* خير الكلام .. ما قل وشٌل
* لو ليك عند الكلب حاجة .. قوله يا كلب وتغور الحاجة
* ان سرقت اسرق جمل .. وان اتقفشت ده محتمل
* لا تعطنى بيضة .. بل علمنى كيف ابيض
* لو خايف من بكرة .. نام واصحى بعد بكرة
* اللى بيته من ازاز .. ما يغيرش فى الصالون
* عاتب الأصيل ولومه .. وسيب الواطى ليومه
* شد اللحاف على جسمك .. غيره ما يفيدك
* فاقد الشىء .. هو اللى يدور عليه .. أنا مال أمى بيه
* كل اللى يعجبك .. والبس اللى يعجبك برضه .. ومش مهم الناس
* حرص وخون وشك .. محدش بقى مضمون اليومين دول
* بدلا من أن تلعن الظلام .. روح ياحبيبى ولع النور .. الكهربا رجعت
* اذا احببت شخصا بشدة فاربطه بأستك .. لو مشى تعرف ترجعه .. ولو مرجعش سيب الاستك يلسعه
* لا تأخذ الامور بشكل جدى .. خدها بشكل جدك أنت أحسن
* ان لم تحقق إحلامك .. فواصل النوم
* كلما ازداد الانسان غباوة .. ازداد يقينا بانه افضل من غيره فى كل شىء
* لا تتفاخر بأن لديك اصدقاء بعدد شعر رأسك .. لانك عند الشدائد ستكتشف انك اصلع
* اذا لم يوافق الواقع النظرية .. بسيطة .. غير النظرية
* اللى مايتحملكش وانت مخنوق .. ما يستاهلكش و انت رايق
* لو عملت حساب لكل الاغبيا اللى حواليك .. تبقى اغبى منهم
* ما حدش هيركبك إلا بمزاجك
* كل اللى هيقابلوك ولاد ” .. ” – حط الشتيمة اللى ترتاحلها نفسيا – إلى أن يثبت العكس .. ومش بيثبت غالبا
* الباب اللى يجيلك منه الريح .. شيله وركب قبنورى
* كانت فاكر ان اللى راح كويس .. طلع كويس انه راح
* فيه بنات فاهمة الموضوع غلط .. بتلبس مكياج وبتحط لبس خفيف
* لا تكن كالناموسة تقرص الناس من ورا ظهرهم .. بل كن كالذبابة جنن ام اللى بيكرهم وجها ً لوجه
* لولا التطنيش .. كان زمانى قاتل نص اللى اعرفهم
* ماتثقش فى حد بزيادة .. عشان متضربش على قفاك يا حمادة
* محدش يقوللى حط نفسك مكانى .. انا حاطط نفسى مكان نفسى بالعافية
* من ينتظر سببا للسعادة .. غالبا حيموت وهو بيرص البيض فباب التلاجة
* اذا كان صديقك من ذهب .. فلا تضيع الفرصة .. بيعه بسرعة
* ليه تقول معرفش .. لما ممكن تفتى
* اقلب القدرة على فمهما .. الفول يدلق منها
* الثانوية العامة على ايامنا كنا بنذاكرها على لمبة جاز .. دلوقتى بقينا عايزين نولع فيها بجاز