قال الإعلامي إبراهيم عيسى فى برنامجه 25 \30 مساء الثلاثاء تعليقا على حديث الرئيس عبدالفتاح السيسي حول مشروع قانون يجرّم فيه إهانة ثورتيّ 25 يناير و30 يونيو : إزاى عاوز تعمل قانون تجرّم فيه الكلام عن الثورة إنت فاكر إن هى دى الحرية ؟ ده حتى الآن بننتقد ثورة 52 ، طب ما تجرّم دى كمان .
وأضاف: وهى الثورة بقت قرآن ؟ محدش يجي جنبها، ولا هى طفلة في حضانة عاوزين نحميها واللى هيشتمها هنحبسه ؟ دى ازدواجية في التفكير ، إزاى عاوزين حرية ، وهنقول للناس يتكلموا فى إيه وميتكلموش فى إيه ، من حق أى حد يتكلم فى الثورة ويسأل هما أصلا ثورات ولا لا ، ده قانون خطر وفادح وفاضح ، ودى أجواء هترّجعنا لأيام حكم المجلس العسكرى .