التقويم الأصلى للمصريين القدماء والأمثال التى أطلقوها.. طوبة يخلى الصبية كركوبة
* توت 11 سبتمبر – 10 أكتوبر
توت يقول للحر موت (كناية عن نهاية فصل الصيف)
* بابة 11 أكتوبر – 9 نوفمبر
بابة ادخل واقفل البوابة ..( بدايات البرد )
إن صح زرع بابه يغلب النهابة (الخير الوفير)
* هاتور 10 نوفمبر – 9 ديسمبر
هاتور أبو الذهب المنثور (الدهب المنثور كناية عن زراعة حبوب القمح)
* كياك 10 ديسمبر – 8 يناير
كياك صباحك مساك، تقوم من فطورك تحضر عشاك (أقصر أيام العام)
* طوبة 9 يناير – 7 فبراير
طوبة يخلى الصبية كركوبة
الاسم لطوبة والفعل لأمشير
طوبة ماتبلش ولا عرقوبة .. (كل ده كناية عن شدة البرد بدون مطر)
* أمشير 8 فبراير – 10 مارس
أمشير أبو الزعابيب الكتير ياخد العجوزة ويطير (شدة العواصف)
أمشير يخللى الزرع يسير (نمو القمح والبرسيم والفول وغيرهم)
* بارمهات 10 مارس – 8 أبريل
برمهات روح الغيط وهات (كناية عن الخير ف الأرض فول وقمح وترمس)
* بارمودة 9 ابريل – 8 مايو
فى بارمودة دق العمودة (كناية عن حصاد القمح والشعير العمودة يعنى المظلة عشان الحر والشمس)
* بشنس 9 مايو – 7 يونيو
بشنس يكنس الغيط كنس (نهاية موسم حصاد القمح وتنضيف الغيط للزرعة التالية)
* بؤونه 8 يونيه – 7 يوليه
بؤونه أبو الحرارة الملعونة
شهر بؤونة يفلق الحجر (كناية عن شدة الحر)
* أبيب 8 يوليو – 9 أغسطس
فى أبيب يفور النيل
أبيب فيه العنب يطيب
أبيب مية النيل فيه تريب ( موسم العنب والزبيب وبدايات الفيضان)
* مسرى7 أغسطس – 5 سبتمبر
مسرى تجرى فيه كل ترعة عسرة
عنب مسرى إن فاتك متلقاش ولا كسرة ( الفيضان بيجرى المية فى كل الترع)
وادى خير مصر على مدار السنة:
ماشوفتش زى ما فى مصر من مايّة طوبة، ولبن أمشير، وخروب برمهات، وورد برمودة، ونبق بشنس، وتين بؤونة، وعسل أبيب، وعنب مسرى، ورطب توت، ورمان بابة، وموز هاتور، وسمك كيهك.