1. انسى النوم.
2. اتعلمى تاكلى بسرعة.
3. استحمى فى وقت قياسي.
4. اتعلمى تقعدي 12 ساعة أو أكتر دون حمام.
5. اتأقلمى مع الأرق والتوتر والصداع.
6. متحلميش عشان محدش يصحيكى فى نص الحلم.
7. اتعودى تصحى أول ما تسمعى زقزقه قبل ما تحصل فضايح.
8. متابعيش حاجة ع التلفزيون.
9. اتصرفى فى الهالات السوده تحت عينك.
10. اغسلى على قد ما تقدرى إنتى وغسالتك.
11. نشري بسرعة.
12. تكيفى مع كل أنواع السوايل وغير السوايل اللى ممكن تشوفيها وتمسكيها.
13. متضايقيش لو هدومك اتبلت أو اتبهدلت.
14. الترجيع والقشط عاااااادى جدا.
15. اتعلمى أغانى النوم.
16. إوعى تنامى وإنتى بتغنى أغانى النوم.
17. انسى مساحتك الشخصية.
18. انسى اللاب والتاب والموبايل.
19. اتعلمى تنامى من غير ما تتقلبى.
20. متحاوليش تقنعيه ان ينام فى سريره.
21. اسمعى كلام البيبى عشان معندكيش حل تانى.
22. انتى دايما بتعملى حاجه غلط وأى حد هيشوفك هيعدل عليكى.
23. انتى دايما السبب فى كل حاجة غلط تحصل حتى البيبى والكيكي.
24. الحقي خديلك نص ساعة نوم قبل ما يصحى.
25. إيه ده انتى ملبساه تقيل اوى.
26. ايه ده انتى ملبساه خفيف اوى.
27. شيليه كويس.
28. متخليهوش يعيط.
29. انسى النوم.
30. متحاوليش تستمتعى بأى حاجة.
31. غيرى الحفاضة.
32. غيرى الحفاضة.
33. حطى فوطة فى شنطتك.
34. حطى مناديل كتيييييييييير فى شنطتك.
35. حطى حفاضات فى شنطتك.
36. متعترضيش على تفعيص الناس فى النونو.
37. متعترضيش لو حد هيبوسه من أى مكان.
38. اقبلى الفتي بصدر رحب.
39. انسى النوم.
40. استمتعى بالأمومة.
وهذا المنشور الكوميدى انتشر على موقع التواصل الاجتماعى “فيس بوك” لرسم البسمة على الوجوه أو للتذكير بالحقائق.