وجه الإعلامى الساخر باسم يوسف، اليوم الأحد، رسالة نارية إلى الرئيس عبد الفتاح السيسي حول أزمة أمناء الشرطة وبعض الأحداث الأخيرة التي شهدتها البلاد.
وقال يوسف، عبر حسابه الشخصي بموقع التواصل الاجتماعي “فيسبوك”: “سيادة الرئيس طبيب الفلاسفة عبد الفتاح السيسي، أصل حاجة من الاتنين، يا إما انت مسؤول مسؤولية كاملة عن اللي بيحصل في البلد من بلطجة أمناء الشرطة من حبس كمية الناس المظلومين من ناس مالهاش ضهر، لشباب مالهمش ذنب، لكتاب وصحفيين مش المفروض يبقوا في السجن، لاقتصاد بايظ بسبب قرارات غبية قلنا قبل كده إنها غبية، لناس بتطلع تهلفط واسمهم لواءات، لسياحة بايظة مرة عشان طيارة بتقع، ومرة عشان سلاح طيرانك بيطلع يضرب سياح في الصحراء، للبوليس بتاعك بيقبض ويعذب ويقتل أجانب، زي ما بيعذب المصريين في الأقسام، لجهاز إعلامي موجه وقذر، لخمسين حاجة تانية بتعبر عن الفشل والغباء و الغشومية”.
وتابع باسم يوسف: “المهم يا سيادة الرئيس نرجع لموضوعنا: “يا إما انت مسؤول عن كل ده مسؤولية كاملة، يبقى انت كده صاحبي وحبيبي وكفاءة وعرفنا المسؤول مين، يا إما انت مش مسؤول خالص، وانت زيك زينا بتتفرج ومش فاهم حاجة، ومالكش لازمة زينا بالظبط، وفي الحالة دي أهلًا بيك في صفوف الجماهير، تعالى بقى، ما تيجي، مش تبقى تيجي؟».