اعتذر الفنان يوسف الشريف، لجمهوره، بعد نشر صورة لأحد ضحايا أحداث فض اعتصام رابعة العدوية يُدعى الشيخ محمد عنتر بالحلقة السابعة من مسلسل القيصر.
وقال الشريف – خلال مداخلة هاتفية أجراها مع الإعلامى وائل الإبراشى ببرنامج العاشرة مساءً ، عبر فضائية دريم مساء الثلاثاء – ” أنا باعتذر جدًا جدًا لو في أي حاجة تسيء لأي حد في الصور اللي ظهرت في الحلقة السابعة، وأهله لهم الحق تمامًا إنهم يزعلوا، وأعلم أن الاعتذار لا يكفى، وعملية حذف ذلك الجزء من المسلسل من الصعوبة بمكان، ولكن أنا باوعد إننا هنحاول نعيد مونتاج الحلقتين السابعة والتاسعة، ويتم حذف الصور دى بأى شكل، رغم صعوبة هذه العملية، خاصة إنها مش من سلطاتى”.
وأضاف الشريف ” أنا ماكنتش أحب أبدًا أن المسلسل يكون سبب في زعل أو ألم حد، يغور المسلسل ويغور الشغل وتغور أي حاجة قصاد إن إحنا نزعل أي حد، إحنا مش بنعمل شغل عشان نزعل أى حد، وهنحاول نصحح الخطأ بكل ما نملكه من أدوات، احترامًا للجميع “.
فيما قالت زوجة الضحية “أنا زعلانة جدًا جدًا، مش أي شخص يموت يتنشر صوره، وبعدين جوزي لا تبع رابعة ولا تبع حد، هو كان رايح شغله عادي جدًا فأصابته رصاصة، ما ينفعش تمثلوا بجثة ناس في مسلسل، حد يرضاها على أخوه أو حد قريبه ؟ ليه تلقبوا علينا المواجيع من جديد ؟ يا ريت لو في مشاهد تانية فيها صور بلاش تتعرض، وكذلك لو في إعادة للمسلسل”.