انتقدت الإعلامية ريهام سعيد، الإعلامي الساخر، أكرم حسني والشهير بأبو حفيظة على خلفية أغنية ” مش مع بعض ” والتى عرض فيها الكثير من السلبيات الموجود فى الشعب المصرى مثل السير عكس الاتجاه والرشوة والتحرش .
وقالت سعيد فى برنامجها صبايا الخير على قناة النهار مساء الاثنين : فى فيديو كلب معمول لأبو حفيظة يقولك بتكرمش الـ 20 جنيه لأمين الشرطة وبتعمل مش عارفة إيه وبتعمل بيبى جنب الحيط هى دى مصر هى دى مصر هى دى مصر .. هى الداخلية بالنسبة لك بقت واحد بيكرمش 20 جنيه لأمين الشرطة ونسيت الناس اللى بتموت كل يوم لا يا أستاذى .. مصر فيها شهدا بتموت كل يوم عشان تحميك .. مصر فيها ناس نضيفة ماشية برقى واحترام ومصر فيها حاجت كتيرة كويسة والظواهر اللى مش صح موجودة فى كل العالم ” .
كان الإعلامى الساخر، أكرم حسنى والشهير بأبو حفيظة قدم فى حلقة سابقة من برنامجه أغنية مش بعض والتى عرض فيها الكثير من السلبيات الموجود في الشعب المصرى والتي نفعلها يوميا أو نراها أمامنا مثل ” السير عكس الاتجاه والرشوة والتحرش ” فى محاولة لإبرازها لكل نعمل جميعا على إصلاحها مؤكدًا أنه ” يجب أن يبدأ كل فرد بنفسه ” .
وتابع في كلمات الأغنية: يا ابنى امشى عكسى مستعجلين.. محصلش حاجة دول خطوتين ولو اتمكست بقى في الكمين وقالك اركن عاليمين.. كرمشله ورقة بـ10 هتلقاه سايبك تمشي وتحضنوا بعض .
كما انتقد أبوحفيظة مشكلة انتشار المواقف العشوائية والسائسين، والشحاذين، والتبول أسفل الكبارى .
يذكر أن الأغنية الأساسية التي تم تقليدها فى أغنية أبو حفيظة هى أغنية افتح قلبك و اعرفنى .