وجه الإعلامى عمر أديب انتقادات حادة للدعوات المتزايدة للتصالح مع جماعة الاخوان المسلمين قائلا : ايه هو ده .. هو الإخوان علينا حق .. و ليه لازم يبقوا موجودين .. و اشمعنا هم .. مينفعش حزب النور .
وقال أديب إن العملية الديمقراطية لا تقبل أن ينضم فيها جماعة أو أشخاص لا يؤمنون بالديمقراطية، منتقدا من يقوم بارتكاب الأعمال الإجرامية لإرهاب الشعب المصرى بهدف أن يحكمه بالقوة، مهددا أنه فى حال عقد مصالحة مع هذه الجماعة الإرهابية فسوف يغادر مصر إلى أى مكان آخر فى العالم يحظر ويمنع هذه الجماعة الإرهابية من مزاولة العمل السياسى على أرضها ، قائلا ” أبقى أنا راجل أهبل لو وافقت يرجعوا تانى ولو أنتوا ناويين تعملوا مصالحة معهم قولولنا عشان نسبهالكوا مخضرة، اقعدوا أنتوا فيها مع الإخوان، أنا هروح أعيش فى إنجلترا أو فرنسا أو الإمارات أو السعودية أى بلد من البلاد دى اللى واخدة بالها من الإخوان والإرهاب” .
وهاجم أديب أثناء تقديمه لبرنامج “القاهرة اليوم” على قناة “اليوم”، القنوات الإخوانية التي تنادى بالعنف قائلا: “بيقولوا السلمية ماتت وبيقولوا السلمية دى تبقى خالتك ، أنا بقولهم لاء الاوفر دى يبقى أمك .. اللى بنى لينا طوبة فى صدرنا يجى يهدها، واللى يحبنا ميضربش نار فى فرحنا”.