شن مرتضى منصور، رئيس نادى الزمالك وعضو مجلس النواب هجوماً عنيفاً على الإعلامى عمرو أديب، بسبب اتهامه بأن الشعب المصري نصفه ” بيهو هو”، على حد وصفه، قائلا : ” أنت من يهوهو، المصريين شعب محترم”.
وقال منصور، خلال مداخلة هاتفية في برنامج “انفراد”، مع الإعلامي سعيد حساسين، أمس الأحد على قناة “العاصمة”، موجهًا حديثه إلى أديب: “لو فيه وزارة استثمار محترمة كانت سحبت الترخيص، وأنا مبخافش، لو السلطات السعودية ماجابيتش حق المصريين وطردتك من هذه القناة”، واصفًا الأخير بالأراجوز.
وأضاف منصور: “ما فيش مصرى يتقالوا هش يا ولد يا عمرو، ولو السلطات المصرية ما جابتش حق المصريين وطردتك .. اقسم بالله هعلقك على باب القناة
“
وانفعل مرتضى على الهواء: “أقسم بالله لو عمرو أديب كان بيشتمني، مش هيخرج برا الاستديو، ولكنه بيهين الشعب المصري… فوق يا عمرو إنت محتاج حد يفوقك، أقسم بالله لو أديب كان بيشتمنى أنا ما كنتش خليته يخرج من الاستديو بتاعه ، يا راجل إحنا برده اللى هش ومبننطقش انت اللى كنت بتهش ومكنتش بتنطق وقت زكريا عزمي اللي كان بيضرب بالخرزانة، ومكنتش بتنطق، وقت الإخوان اللى كانوا بيضربوا بالجزمة”.