وصف المستشار مرتضى منصور ما قاله هشام العامرى ، عضو مجلس إدارة النادى الأهلى ، عن غضبة جماهير الاهلى بـ”لعب عيال”، قائلًا: ما تكبروا بقى.
وأضاف منصور، أثناء حلوله ضيف على الإعلامى وائل الإبراشى على قناة دريم الفضائية: دولة مين دولة الإخوان أيام العامرى ما كان وزير فيها يا هشام؟ ولا دولة السيسي المحترم اللي مابيخفش وفيها إبراهيم محلب ، دولة ثابتة، التهديد مش هيجيب نتيجة، أنت عارف لولا التهديدات دي لو كلمني مثلًا وزير الشباب أو محمد عبدالوهاب قال لي اسحب الشكوى كنت سحبتها، لكن بعد التهديدات دي لو أنا سحبتها يبقى أنا خفت، ما بخفش، قلب الأسد لا يخاف، وأنا قلبى حديد.
وتابع: انت هددت وهددت بجماهيرك وهددت إن أنت تنسحب، طيب ما تدي فرصة يا أخي ما يمكن حد عاقل متزن يكلمنا واحنا مش عايزين الواد نسحب الشكوى، لكن كونك عمال تهدد وتستعرض قوتك، قدم الورق، ولا الهوا.
واختتم منصور : مصر كلها عرفت مين اللى بيجعجع.