ده رأي في ما حدث بسانت كاترين وانا حره فيه
يحدث فقط في مصر أحداث كثيرة تصلح لان تكون ماده جيده جدا تعالج فى الروايات والسينما من شده قسوتها ومن كثره بعدها التام عن الواقع
كل الأزمة أن لسه فى شباب فى البلد دى لسه عندهم أمل فى السياحة والبحث والاستقصاء يعنى لسه ليهم علاقه بالبلد دى وطبيعتها وارضها
عندنا سلاح مظلات بواسل .. نجح في إنه يتسلق العمارات المحيطه لميدان التحرير ويكسر كاميرات المراسلين ..وضباطه وعساكره دلوقتي واقفين قدام السراج مول بيأمنوا ميدان رابعه .. ومش عارفين يبعتوا كام واحد منهم ينزل علي الجبل وينقذ الشباب التايه في الجبل
– عندنا فرقه 3 سبعات وحوش نجحوا في إقتحام إعتصام التحرير وقتل المتظاهرين بكل شجاعه وقبل كده كانوا واقفين أسود بيحرسوا سيتي ستارز في الـ 18 يوم بس مش عارفين يبعتوهم يروحوا ينقذوا الشباب اللي بيموت في الجبل .
– عندنا طيارات أباتشى وهيليكوبتر تشق السما نجحت إنها تعد المتظاهرين في 30 – 6 وتصورهم واحد واحدوعرفت ترسم قلوب وعلم مصر بالألوان بس مش عارفين يبتعتوا طياره تنقذ الأرواح اللي بتحتضر علي الجبل .
– عندنا سلاح مشاه قد الدنيا قاعد في الجبل الأحمر والعباسيه وحدايق القبه بيأمنوا المكاتب والأبراج والمطابخ ودور المناسبات وبيعدوا المعلبات ومش عارفين يبعتوا كتيبه منهم تدور علي أخواتنا اللي بيموتوا بالتدريج علي الجبل .
– عندنا قوات خاصه و صاعقه زي القمر ما شاء الله فى حين بس يتصوروا جنب البنات في اللجان وهما لابسين اليونيفورم الضيق الجديد والأسلحة الجديدة ومش عارفين ينقذوا 8 مصريين بيستنجدوا بيهم
ولا عزاء الا لاهالى الضحايا ولا نمللك الا الدعاء لهم بالصبر والسلوان