كتبت: إسراء حسني
قابل نشطاء مواقع التواصل الاجتماعي خبر مشاجرة بين عناصر الجيش والشرطة أمام قسم إمبابة، بالسخرية و”الألش”، معبرين عن خطورة الموقف، لكن بطريقتهم الخاصة.
فقالت إحدى الصفحات “ذات مومنت لما تعرف إن الجيش والشرطة بيضربوا بعض عند قسم امبابة يو فيل لايك ياجماعة اغزوا الشيطان ده انتوا اخوات”.
وغرد محسن بلشي: “الجيش والشرطة بيضربوا بعض فى امبابة ؟ نجيبلهم مين يصلح بينهم ؟”.
وعلق تامر أبو عرب: “معركة بين الجيش والشرطة أمام قسم امبابة والمواطنون يتدخلون لإنهاء الاشتباكات.. لا لا لا لا حضرتك ده مش خيال علمي ده بجد وبحق وحقيقي”.
وقالت ياسمين محفوظ: “مشاجرة بين أفراد الجيش والشرطة بقسم شرطة إمبابة…هتشمتوا الاخوان فيكوا :D عيب كدة”.
وغرد محي أحمد: “دلوقتي لما الجيش والشرطة يتخانقوا مع بعض ويضربوا فبعض نجيب مين يصالح بينهم #بلد_المسخرة”.