فى أول تعليق لها، بعد براءة الفنان أحمد عز من تهمة سبها وقذفها، نشرت الفنانة زينة صورة لعز، على صفحتها الخاصة على موقع “إنستجرام”، مؤكدة أنه لم يكن فى نيتها أن تسجنه، حتى لا يقال لأولادها أن والدهما “رد سجون”.
وكتبت زينة: “معلش بقى أنا ماكنتش ناوية أعلق، بس بصراحة كدبك إللى مالوش نهاية بيستفزنى جدا، أولا مبروك براءتك ولو أن مبروك من تهمة دى مش حاجة تشرف أوى يعنى، إنت ما أخدتش جائزة نوبل! وكده كده ماكنتش هاسيبك تتسجن علشان ولادك مايبقاش أبوهم رد سجون”.
وتابعت زينة كلامها: “أرجع بقى من لندن اللى إنت مستخبى فيها.. أما بقى لو جبت سيرة ولادك وقضية النسب دى تانى هيكون ليا تصرف تانى معاك وبالقانون، لأن القضية دى اتقفلت لآخر يوم فى عمرك، بطل كدب وبطل تضحك على الناس، لأن الناس مش هبلة، وخلاص اتلهى فى شغلك ومعجباتك اللى تعرفهم معرفة شخصية من قلتهم”.