كتبت: إسراء حسني
أثار القرار الذي اتخذته جبهة طريق الثورة بالانسحاب من منطقة وسط القاهرة ودعوة الشباب المتواجدين في محيط نقابة الصحفيين بالتراجع غضب العديد من النشطاء.
والجدير بالذكر أن القرار جاء بعد نشوب اشتباكات واسعة بينهم وبين قوات الأمن ووقع على إثرها العديد من الإصابات بالخرطوش والرصاص الحي.
فعلقت الناشطة السياسية نورهان حفظي المتحدث الرسمي لحركة شباب الثورة العربية وزوجة الناشط السياسي أحمد دومة ، على حسابها على الفيس بوك بـ ” مش فاهمة ايه الثورية فانك تنزل ذكري مشوهة وجودك مش هيعدل أي حاجة فيها لاهتعرف تفرض شعاراتك ولا تحيي ذكري ثورتك ولا تأكد علي الحاجات اللي بتنقدها، قلنا متنزلوش وسجلوا موقف امتناعكم عن احياء الذكري فالوضع المذري ده ،اللي زايد واللي اتكبر ،،هتفضلوا لحد امتي مرضي بجنون العظمة”.
وتلتها بـ ” ان شاء الله جبهة ثوار العظيمة لسا فاكرة ان النزول النهارده غلط ، لسه فاكرين تدعو الشباب للانسحاب ، لكن علي العموم المسئولية مش علي الجبهة بس الشباب كمان مفترض عندهم عقل ومفترض كمان يكونوا اتعلموا من التلت سنيين اللي فاتوا”.
وقال الكاتب ” أحمد العسيلي ” على حسابه على تويتر ” هم الإخوة جبهة طريق الثورة فوجئوا بإيه بالظبط فقرروا الإنسحاب؟”
أما محمد عصام أحد نشطاء تويتر فقال ” #جبهة_طريق_الثورة و #6ابريل و #الإشتراكين_الثوريين تناشد أعضائها باانسحاب من كافة الفاعليات وإلغاء كافة ..ما قولنا كده م اﻷول #أسفوخس.
وعلق عمر الهواري ” يعني لازم ناس تموت وناس تتصاب وشباب تترمي فالسجون علشان تعرفوا أن قراركم كان غبي “
وغردت هند محسن ” طريق الثورة و 6 ابريل انسحبوا من الشوارع و لغوا الفعاليات عشان لقوا ان الموضوع فيه تعاوير و كدزة ، وانت مكنتش تعرف؟”.