جربت الأكل اليمني قبل كده؟ غالبا الإجابة لأ ودا عيب في حقك كأكيل فركز معانا بقى.
أحسن مطعم بيعمل أكل يمني في القاهرة هو المطعم اليمني اللي في الدقي.
المحل بسيط جدا وأسعاره رخيصة جدًا وفي نفس الوقت الأكل للي عارف الاكل اليمني طالع مظبوط اللي هو كأنك حجزت طيران تاكل في اليمن وترجع.
بدأنا بنص فرخة محمرة مع رز بسمتي (الحاجة المألوفة لسه مدخلناش في التقيل) وبينزل معاهم سلطة طماطم حراقة جدا وجبنا “عقدة دجاج” دي بتبقى قطع صدور فراخ متقطع عليها شرايح بطاطس وفلفل وطماطم وبقدونس وبهارات بتتسال تتبل فيهم وطعمها بالعيش بتاعهم جبار.
بعدها جربنا “الفحسة الغنمي” لحم غنمي متقطع مكعبات بتتبيلة زي عقدة الدجاج بس حراقة أكتر واللي عجبنا إن اللحمة مستوية وفي نفس الوقت مش ناشفة.
أخيرا وليس أخرًا ودي طعمها جامد جدا جدا جدا الفاصوليا بالبيض… طاجن فاصوليا بيضا معمولة بخلطة بيض بتطلع من الفرن تأكلها بالرز أو العيش، احنا اول ما سمعنا فاصوليا بالبيض قلقنا بس طعمها جامد جدا ومختلف.
المطعم اليمني ١٠ شارع ايران الدقي ولازم تفطر هناك يوم