كتب: حسن سامح
الفلانتين بالنسبه السناجل اللى زي حلاتى يوم زى اى يوم عادى اربع خميس او جمعه زى السنه دى
لا هنفض لاصحابى ولا هاخد اجازة من شغلى ولا ادفع دم قلبى فى هديه ويطلع عينى فشراها
دايما يوم الفلانتين اقول لنفسى 6 حاجات “انا هخرج مع نفسى ،وافسحنى،واعزمنى على الغدا،وادخلنى سنيما،واجيبلى هدية،انا بحبنى “طبعا الناس اللى بتقرى الكلام ده هاتقول عليا حاجة من اتنين يا اما معقد يا اما مش لاقى حد يحبه وان الحب فحياتنا زى الميه والهوا الخ الخ الخ
بالعكس انا كل سنه بارتبط بعد الفلانتين وبفشكل قبل الفلانتين زى ما يكون مكتوب عليا انى اقضى كل فلانتين لواحدى بس برجع واقول كده احسن عشان مش هاجيب هدايه لحد ولا حد يقولى خرنى وادفعلى 200 جنيه فى خروجه وزيهم فى هديه واما نخرج نتخانق سوا عشان فى ولد عاكسها وان اتخانقت معاه وبعد كده اتخانقت معاها عشان لبسها مستفز وخلى الولد يعاكسها فاتقولى انا بقيت عصبى وتتخانق هى كمان معايا ويتطور الموضوع ونسيب بعض
اللى انا بحكيه ده هو حال اغلب المرتبطين فى الفلانتين اما الجزء التانى ما بيخرجش اصلا ومقضيها فى البيت وبيتخانقوا سوا عشان هى كانت عايزة يخرجها ويجيبلها هديه فهوة يقولها هدية ايه بقولك ايام سوووووووووووووده هو انا لاقى اكل فاترد عليه اما انت مش لاقى تاكل عايزنى معاك اهبب ايه احنا لازم نسيب بعض
وفى الآخر كل اللى قرر يحتفل بالفلانتين او حتى ما قررش هايجى ياخدله مكان على دكة السناجل جنبى واللى يسالنا عن الفلانتين تانى نرد عليه ونقوله
فلانطين ايييييييييييييه بقولك ايام سووووووووووووووووده