كتبت : نورهان طمان
يحكى أن جماعة خسيسه وقفت وقفة في قلب ميدان ، جالهم ظابط م اللي خربها بقاله زمان واخد أمر إنه يُفض
قاموا قالوله مش ماشيين ده إحنا معانا حشد كبير وناس من بره ياباشا شايفينك لومستنا مره بسوء هنسلطهم يخزأو عينك ، أو يمنعوا عنك مصروف
وكلمه منه على كلمه منهم قامت عركه كبيره ، هووووب ولعت “رابعه ” ، ورصاص يمين ورصاص شمال ولا حد عارف مين مات ولا مين اغتال
ومفضلش من “رابعه” غير شعار لون البيض مرسوم عليه أربع صوابع ، فاكرينه هيخوف شعب شاف من ده ياما كتير
شعب ياما فطر بيض واتغدى بيض واتعشى بيض ، هوووووووووب الشعب زهق م البيض وقرر ينزل يقول خلاااااااص من النهاردة مفيش بيض ، من النهاردة فيه تفويض وانزل ” ياسيسي” خلصنا من أم البيض وشعار البيض والناس البيض
بس إزاي نتخلص منه ؟؟ تعالى وأنا أقولك إزاي …
إحنا ننزل بشعار البيض والأربع صوابع كشعار انتخابي للسيسي ، هوووووووووب الإخوان هيتجننوا ويشدوا في شعرهم ويجروا في الشوارع حافيين ولسان حالهم ” حتى الشعار اللي حيلتنا ضاااااااااااع ” ، وساعتها هيبقوا بين خيارين إما يرفعوا شعار رابعه ويبقوا من مؤيدينك وإما يبطلوا يرفعوه خالص … موتوا بغيظكم