قالت سارة فؤاد مراسلة قناة cbc، التي انتشرت لها صورة على مواقع التواصل الاجتماعي أثناء وقوفها على «جردل» لتسجيل تقريرًا عن الحالة المرورية للقناة، إن عملها يتطلب منها نقل الحالة المرورية في الصباح، موضحة أنها استعانت بهذا «الجردل» حتى يظهر الدائري والمحور بطريقة أفضل في خلفيتها.
وأضافت «فؤاد» عبر صفحتها بـ«فيس بوك»: “الزمن الساعة 9 صباحا، المكان الدائرى، الموقف عملي ويتطلب مني أنقل للناس من الصبح بدرى حالة المرور وهم قاعدين فى بيوتهم مرتاحين وفى اليوم ده كنت عايزه أجيب كادر المحور وطريق أكتوبر من فوق الدائرى، فحطيت (جردل) علشان أعلى بالكادر والمصور يجيب الصوره واضحة ﻷن اليوم ده كان زحمة جدا فى المنطقة دى”.
وتابعت: “أنا بحب شغلي جدًا، وبحب الهزار برضه بس مئات المعلقين على الصوره فى مختلف المواقع لازم يعرفوا إن اللى بيشتغل فى الشارع بيتعب بجد علشان ينقل الخبر وبالذات لو بنت فى الشارع المصرى، أنا بحب شغلى وفخوره به ومش زعلانة من التعليقات”.