– مع تقديري لدور السيسي في الموجة الثانية من ثورة يناير في 30 يونيو – مع العلم ان ده واجبه ودروه انه يقف مع شعبه و يحميه …إلا إني ضد ترشحه وتفضيل بقاؤه وزير الدفاع
– والسييسي هيكون مرشح الجيش حتى لو خلع بدلته العسكرية ,,والا لماذا اجتمع المجلس العسكري لتحيديد موقفه من ترشح السيسي وانتهى الاجتماع ان يفعل السيسي ما يشاء و ما يتراءى له..الكل يعلم انه مرشح الجيش
– السيسي حاليا هو من يحكم فعليا …وهو غير قادر على حماية ضباطه و جنوده في سيناء وغيرها ضد الارهاب مش عارف يأمن البلد وهو وزير دفاع ..هو ده مش معناه فشل في ادارة الأزمة ..على الرغم من كم الاعتقالات الرهيب الذي يحدث حاليا
– السيسسي نفسه قال للن اترشح حتى لا يقال ان الجيش يسعى لمناصب سياسية… وترشحه ليس له غير معنى واحد اقحام الجيش في السياسة وده مرفوض تماما …
– اختلف ايه موقف السيسي عن موقف الاخوان عندما قالوا لن نرشح احدا للرئاسة وقاموا بترشيح مرسي …. نفس كلام السيسي قال مش هترشح و بعدين بيقول فوضوني للترشح
اسباب الاخوان لترشح مرسي ان الظروف السياسية اجبرتهم على دخول سباق الرئاسة وده كذب بين
اسباب السيسي ان الشعب عايزه وهو هيلبي طلب الشعب …وده جزء منه كذب لانه هو عنده القدرة على ضبط البلد و على انه يرجع الامن تاني هو والداخلية لو عايزين …بس هم مش عايزين ده يحصل عشان يوصلوا الناس انها تقول البلد محتاجة حد عسكري
– أي مرشح مدني ضد السيس هيبقى ضد الجيش و الجيش هيكون ضده وده شئ اكيد …
– كلنا نعلم ماذا يعني ان يكون الجيش ضد الرئيس في حال فوز مرشح مدني ..ده معناه فشل ذريع و سقوط للدولة اكتر
– معناه ان الداخلية هتستمر كما هي ..بلا وجود فعلي ..بلا تطهير…. تمارس كل وسائلها القذرة في الاعتقالات و التعذيب بلا سبب
انا ضد ترشح السيسي ولست ضد الجيش
انا ضد مرسي والاخوان و لست ضد الاسلام
انا ضد مبارك ولست ضد الاستقرار
يسقط كل من خان… عسكر ..فلول …إخوان