السوشيال ميديا أتقلبت من إمبارح من ساعة ما اتقال إن Yanni هيجى مصر ويعمل حفلة فى الأهرامات وكمان أعلنت الشركة اللى من المفترض أنها هتنظمها عن أسعار التذاكر واللى تراوحت من 600 جنيه من 3000 جنيه !!
خمسة بلس حاجات تقدر تشتريها بثمن أرخص تذكرة لحفل ياننى ( 600 جنيه) :
1- تقدر تشترى 7.5 كيلو لحمة تكفى أسرة لمدة إسبوع كامل.
2- تقدر تتغدى لمدة إسبوعين وجبة سمك من مطعم “أبو غالي” فى المهندسين ب50 جنيه :
اثنين سمك بلطي+ شوربة سى فود + أرز + سلطة طحينة + خبز.
3-تقدر تشترى 30 كتاب من سور الأزبكية لو مدمن قراءة.
4-تقدر تشترى خاتم هدية 3.5 جرام دهب عيار 14.
5-تقدر تشترك فى قنوات بين سبورت Bein sports الرياضية لمدة 6 شهور .
6-تقدر تخرج تاكل 24 مرة من سينابون ( 1 قطعة شوكوبون أو مينيبون) .
7- تقدر تشترى أربع مراوح من سوق دوت كوم سعر المروحة 150 جنيه فى الحر ده.
8- تدفع شهرين إشتراك فى جيم H2o.
9-تقدر تشترى 3 فساتين خروج للبنات.
10-تقدر تظبط تلاجتك لمدة إسبوعين ( جبنه – لبن – خضراوات-مقبلات).
11-تقدر تشترى كاميرا نيكون كوبليكس S2700 .
12-تقدر تشترى ساعة كاسيو مارين جير.
13-تقدر تشترى طقم فضة مكون من أنسيال وخاتم.
14-تقدر تشترى كرسى هزاز للأطفال من بيتى بيبى بـ 425 وبانيو إستحمام مجسم للأطفال بـ 175.
15-تقدر تروح 12 حفلة متوسط سعرها 50 جنيه زى حفلات دينا الوديدى وكايروكى و وسط البلد و مسار إجباري.
قول لنا إنت كمان تقدر تجيب إيه بـ 600 جنيه؟