رحل عننا فنان مصري جميل ، الفنان التشكيلي ” هاني المصري ” ولو متعرفهوش فدي شوية حاجات عنه تقدر توصلك نبذة بسيطة جدا عن حياته .
8 حاجات عن هاني المصري :-
1- أتولد سنه 1951 ودرس فن الديكور في كلية الفنون الجميلة واتخرج سنه 1974 .
2- اتخرج من هنا واشتغل مهندس ديكور لمسرحيات كتير أشهرها العيال كبرت”، و”شاهد ما شفش حاجة و “انها حقا عائله محترمه ” .
3- هانى المصرى ابتكر أشهر شخصيه إعلانات ارتبطت معانا من واحنا صغيرين وهى شخصية “كيمو ” ، الشخصية اللي لسه عايشة لحد دلوقتي لآيس كريم ” كيمو كونو ” .
4 – في الثمانينيات هاني المصري سافر يشتغل في هوليوود لصالح شركة “والت ديزني”، وده أقصي تكريم ممكن أن يحصل عليه فنان قادم من أقصى الشرق إلى لوس أنجلوس .
5- فى عام 1998، شارك هاني المصري فى إبداع أحد أشهر أفلام المخرج العالمي، ستيفن سبيلبيرج “The Prince Of Egypt”، أو قصة خروج اليهود من مصر، حيث عمل على تطوير القصة وتدقيقها تاريخيا وبصريا.
6- فى إبريل 2012، عرض جاليري “روابط” بوسط القاهرة لأول مرة لوحة جدارية بعرض 8 أمتار وارتفاع 5 أمتار صنعت بتقنية الخيامية الشهيرة، وتحتوي 102 لون، مستوحاة من الحكايات الشعبية الكلاسيكية المعروفة بـ”ألف ليلة وليلة”.
7- هانى المصرى كتب يوم 7 مارس كلام أعلن فيه عن مرضه هو اللوكيميا “سرطان الدم”.
8- توفى الفنان التشكيلي هانى المصرى عن عمر يناهز الـ64 عامًا بعد صراعه بكل القوه مع المرض .. اتوفى وصفحته بقت مزار هانرجع ليه كلنا لما الدنيا تهزر معانا هزار تقيل ، هانرجع ليها عشان نبقى أقوى زى ما علمنا .. ربنا يرحمك ياعم هانى انت روحت للمكان اللي خلاص مافيهوش اى وجع .. سلام ياعم هانى يا مصرى يا أصيل .