كتبت : أية عزت واحمد عصمت واسماء محمد
استطلع موقع “الموقع” رأي خبراء وسياسيين و شخصيات عامة حول توقعاتهم وأمانيهم للأرض في حالة وقوع النيزك
وقال دكتور عمرو هاشم ربيع الخبير بمركز الدراسات الاستراتيجية بالأهرام ، كنت أتمني يخبط في أعداءنا، و اسرائيل و أمريكا، مضيفاً “أو يخلصّنا من سد النهضه” .
وتابع ربيع ، ما أتمناش أكون مع أهلي ولا الناس اللي بحبهم علشان مش هستحمل حد فيهم يتأذي وأفضل لو هيقع علي حد يبقى عليا انا لوحدي و بعيداً عنهم “
و جاء تعليق أحمد فوزي ، الأمين العام للحزب المصري الديمقراطي ساخراً ، حيث علق قائلا ” أنا أتمني يوقع فوق نفوخي أنا علشان أخلص، أصل أنا زهقت “
وقال احمد بهاء الدين شعبان المنسق العام للجمعية الوطنية للتغيير انه عاوز النيزك يضرب الارض علشان يخلص الناس اللي هتفضل من كل الهموم اللي الأرض بتشوفها دلوقتي وعن المكان اللي عاوز يكون فيه قال بهاء الدين انه عاوز يكون مع زملائه في الحزب وأسرته .
وقال محمد ابو طالب الباحث بمجلس الشعب انه يؤمن بأن رضي الام من رضي الرب لذلك فأنه يريد ان يكون مع والدته في وزارة الدفاع مع المشير عبد الفتاح السيسي
كما قال المستشار جمال التهامي رئيس حزب حقوق الانسان انه يريد ان يكون في رحاب الله ورسوله في مكة بالسعودية