كتب: سمر الورداني

اتهم تامر عبد العزيز أحد أصدقاء ضحايا سانت كاترين  وسائل الإعلام بأنهم قاموا بتحريف كلامه حول أنه استنجد بالقوات المسلحة لإنقاذ أصدقائه المفقودين وأنهم رفضوا التحرك لأنهم مصريون وليس بينهم أجانب.

وأوضح تامر على صفحته الشخصية على موقع التواصل الاجتماعى فيس بوك أنه ليس شاهد عيان حيث أنه لم يكن مشارك في الرحلة ، وقال:” وسائل الإعلام بتحب تحط بهارات .. أنا لا قلت  إني اتهمت ولا طالبت ولا سويت، إيه بقى لازمة البهارات دي؟ ..  نفسي أفهم الناس فهمت إزاي المكالمات اللي أنا كتبتها على إنها للجيش؟ أنا ما كتبتش أي حاجة توضح أنا بكلم مين، ليه بقى اﻷفورة؟”.

وتابع :” المكالمات دي كانت لمعارف شخصية بيحاولوا يوصلوا لحد كبير في الجيش أو الداخلية أو طيارات اﻹنقاذ بتاع اﻷمم المتحدة أو حتى شركات طيران خاصة، وللأسف الدنيا اتأخرت علشان احنا ما عندناش نظام انقاذ محترف ومش مجهز للتعامل مع المواقف دي زائد شوية تهاون من اللي عندهم طيارات”.

وكانت وسائل الاعلام وناشطون على مواقع التواصل الاجتماعى تناقلت  منشور لتامر عبد العزيز وأتهموا القوات المسلحة بأنها رفضت أنقاذ المفقودين لأن ليس بينهم أجانب.

ونص المنشور كالآتي :” مكالمة رقم 1:
– ألو
– لو سمحت فيه 8 محبوسين في وادي جبال في سانت كاترين في عاصفة ثلجية، ولو اتأخرنا عليهم هيموتوا، عايزين نبعت لهم طيارة هليكوبتر تنقذهم حالا وندفع إيجارها مهما يكون
– ﻷ متأسف يا أفندم مش هينفع، طلب تصريح رحلة الطيارة من السلطات بياخد 10 أيام علشان يطلع.

مكالمة رقم 2:
– ألو
– لو سمحت فيه 8 محبوسين في وادي جبال في سانت كاترين في عاصفة ثلجية، ولو اتأخرنا عليهم هيموتوا، عايزين نبعت لهم طيارة إنقاذ
– آه طبعاً يا أفندم، هنبعتها في أسرع وقت، بس ممكن آخد شوية بيانات عن المفقودين؟
– اتفضل
– جنسياتهم؟
– مصريين
– ﻷ متأسف يا أفندم كده الموضوع هياخد وقت شوية علشان مفيش أجانب
دي كانت مكالمات عملتها النهاردة، وبعدها بساعات شفنا خبر إنقاذ 4 ومقتل 3 ولا يزال البحث جاري عن المفقود الثامن