اللى بيحصل من الاخوان حالياً…
لو احنا مؤمنين ان مرسي مش راجع بنسبة 100 % فالاخوان و اتباعهم مؤمنين بده بنسبة 500%
طب بيعملوا كده ليه …؟
الغرض من اللى بيحصل ان الاخوان اصلاً ركبوا الحكم عشان يحدثوا فوضى في مصر تلحق فوضى العراق و سوريا و ليبيا يعنى النكسات الاقتصادية كانت متعمدة مليون بالمية و ده طبعاً لخدمة جهات معينة..(فتش عن المستفيد).
مشروع الاخوان هو نفسه مشروع الحلم الصهيونى بــ امتلاك ارض العرب من النيل الى الفرات .. يعنى الخلافة ما هي الا وهم بيسيطروا به على عقول الناس المحبه للدين عشان يكونوا اداة لتحريك الامور بكل سلاسة و برضه للتضحية بيهم اذا لزم الامر .. لتحريك الرأي العام الداخلي و الخارجي لصالحهم
طب برضه بيتظاهروا ليه لما هما عارفين ان مرسي مش راجع و ان شرعيتهم انتهت ..؟؟
هما بيكملوا مسلسل الفوضى اللى كان مجهز مسبقاً في حال عدم توليهم الحكم يعنى من الاخر المشهد ده مكتوب على جيبينا كنا هنشوفه هنشوفه..
طب الهدف ..؟؟
هدفهم الاوحد هو اسقاط مصر في بحر من الفوضى اللامتناهية .. مظاهرات وقفات احتجاجات , تعطيل مصالح .. وهيزيدوا افعالهم و يتصرفوا بمهجيه و وحشية أكتر .. لانهاك الاجهزة الامنية و كمان استفزازها بحيث تستخدم اساليب العنف لقمع فيتاجروا بالعنف ده خارجياً لكسب نقاط قوة في ايدى الحكومات الاجنبية المعادية للحرية المصرية و على رأسهم امريكا .. و على صعيد اخر الشارع المصري نفسه هيبدأ يمل من عمليات الكر و الفر بين العناصر الاخوانيه و الاجهزة الامنية و هيبدأو يتصدوا ليهم بنفسهم
يعني ايه ..؟
يعنى يتحول الامر لمهزلة همجية بين
اطراف الدولة شعب جيش شرطه و فصيلالاخوان و تواجه مصر حرب اهلية شرسه تفقد فيها هويتها و قوتها و ينهار فيها القطاع السياحي و الخدمي و بالتالى ينهار الاقتصاد المصري انهيار تام.
اه يعنى هما متعمدين انهم يعملوا ازمة مش الفكرة في مرسي و شرعيته ..؟؟
طبعاً شرعية مرسي دى هما اكتر ناس عارفين انها حمرا بس الهدف الاعظم هو نشر السرطات المخرب في جسد الامة العربية اجمه عن طريق سقوط مصر..
طب الحل ايه …؟؟
الحل اننا نلتزم بدورنا الا و هو الصمود مع الجيش و الشرطه عشان يتم السيطره تماما عالفصيل الدموي ده في وقت اسرع لان تأخر الوقت عامل اساسي لنجاح خططتهم..
طب بس حق الشهداء و المصابين و اوعى تنسيى و خليك فاكر اللى قتلو مينا عساكر و الداخلية بلطجية..
على عينا و راسنا حقهم يجيي اننا نبنى البلد مش نسلم رقبتها و نسقط مؤسساتها… احنا بقى بين ايدينا دستور قوي كل مهمتنا اننا نعرف ازاى نختار نظام يحترم البلد دي و يطبق دستورها اللى شارك فيه كل اطياف الشعب المصري سواء كتابتاً او تصويتا للتصديق عليه …
حط في بالك حاجه واحده بسسسسس مساعدتك على سقوط مؤسساتك مش هيقتص لشهداءك ده هيسقط اعمدة الدولة و اللى بعدها هتواجة ميليشيات مرتزقه تدبح في اهلك و فيك في الشارع … و لكم في سوريا اكبر مثل…!!
اثبت و اعرف اولوياتك … هتافك ضد مؤسساتك هيكتب اخر سطر في حياة بلدك و حياتك…