تداول نشطاء موقع التواصل الاجتماعى “فيس بوك” منشورا جامعا لمتطلبات الزوجة وأمنياتها، وطالبوا الزوج بالاهتمام بتطبيقها.. وجاء المنشور كالتالي:
1- ابتسم وأنت بتفتح باب البيت .. حسسها إنك مبسوط إنك شوفتها.
2- قل لها: وحشتيني .. إيه الشياكة دي؟
3- إديها مصروف. تجيب بيه اللي نفسها فيه وخصوصا لو مش بتشتغل.
4- أول ما تصحى من النوم طبطب عليها زي الأب ما بيطبطب على بنته، وطبطب عليها بعد ما تخلص شغل البيت .. ساعتها بتبقى مهدودة فعلا.
5- ..اشكر فيها قدام مامتك وفي نظافتها.
6- ما تقارنهاش بحد علشان هي ما تقارنكش بحد.
7- مش ﻻزم تحكي عن زميلتك في الشغل الباشمهندسة والدكتورة..
8- خرجها مرة كل أسبوع بلاش تحبسها فى البيت.
9- أشكر في أهلها هتنبسط أوى واظهر حبك ليها قدام أهلها عشان تتباهى قدامهم بعلاقتك بيها وبحفاظك على كرامتها.
10- لما تتعب وتسخن ارقيها وادعيلها واعملها ينسون واظهر شوية مودة ورحمة من اللى ربنا قال عليهم.
يعني كأنها عصفورة محبوسة في قفص وكانت فرحانة بيك لما اختارتك واتجوزتك فمتخيبش ظنها وحطها في عينك واتق الله فيها عشان ربنا يكرمك.
واعرف إن الدنيا داين تدان.
اقرأ أيضًا: أسباب الفتور بين الزوجين وكيفية علاجه