فى 2016 وزيرة الاستثمار وقتها ” داليا خورشيد” قالت قدام البرلمان أنه لا بديل لمصر للخروج من كبوتها الاقتصادية سوى بإصدار قانون عاجل للإفلاس والتصفية…!!!
https://www.vetogate.com/mobile/2221976
عارف يعنى إيه إفلاس دولة…؟!!! لازم تبقى عارف علشان تفهم وضع مصر كان عامل إزاى…!!!
عموما هتلاقى رابط اول تعليق تعرف منه يعنى إيه افلاس دوله وبالمره تعرف يعنى إيه دولة بتستلف فلوس علشان تدخلها فى الإقتصاد وزيادة الناتج المحلى الإجمالى وبين دوله بتستلف علشان توفر الاحتياجات الاساسيه والضروريه لشعبها…!!!
زى بالظبط لما تستلف علشان حاجه تشتغل عليها وتزود بيها دخلك وتسدد اللى استلفته كمان وبين إنك تستلف علشان تجيب اكل وشرب او علاج ليك وللمسئولين منك وانت مش لاقى تسدد أصلا…!!!
المهم بعدها بدأ الإصلاح الإقتصادى ولو عايز تعرف ايه النتائج بتاعته ومصر كقياده وشعب عملوا إيه تقدر تدخل على رابط صندوق النقد الدولى ده وتشوف بنفسك
https://www.imf.org/ar/Countries/EGY/Egypt-qandas
صندوق النقد الدولى بينزل تقارير زى اللى هتلاقوها فىالفيديو اللى تحت كده واللى بيقول إن فيه تزايد فى متوسط دخل الفرد وده بالتوقعات كمان من اول 2017 الى 2023 ناخد بالنا إن ده المتوسط لا هو الحد الادنى ولا الحد الأقصى…!!!
فيه جداول وتقارير تانيه بتوضح زياده معدل النمو وإن سعر العمله المحليه امام العملات الأجنبيه هو كمان ماشى بشكل إيجابى جدا…!!!
اه بالمناسبه معدل البطاله هو كمان قل وده طبقا لصندوق النقد الدولى …عارف قل ليه …؟!!! بسبب المشروعات اللى السيسى عملها وناس كتير اشتغلوا فيها…!!! بس كل ده ممكن نركنه على جنب دلوقتى…!!!
اللى يهم الغالبيه مش الكلام ده إنما الاسعار اللى بتزيد ودخلهم اللى مش قادرين يواجهوا بيه الغلاء ده…!!!
طبعا لو حد قال إن معدلات الغلاء بتقل هيلاقى ماسورة اسئله ضربت فى وشه .. يعنى إيه…؟!!! ازاى بتقل والاسعار عماله تزيد…؟!!! انت بتضحك علينا ولّا إيه…؟!!! طبعا ده بإفتراض ان اللى بيسأل مؤدب يعنى
مبدأيا فيه حاجه مهمه لازم نفهما كويس اوى علشان ماحدش يضحك علينا والأهم علشان احنا كمان مانضحكش على نفسنا…!!!
معدل الغلاء بيقل مش معناه ان الأسعار بتنزل الاسعار مابتنزلش فى العالم كله…!!! إنما التنامى السعرى هو اللى بيقل…!!! تعالوا نشوف يعنى إيه الكلام ده
نأخد مثال كده علشان نفهم .. نفترض إن دخلك ألف جنيه مثلا وإنك بتصرفهم كلهم على احتياجاتك اللى بتشتريها لإن الأسعار غاليه يعنى انت دخلك الف جنيه واسعار احتياجاتك برضو الف جنيه (هانتكلم عن حاجتين التنامى السعرى ومتوسط الدخل)
نبدأ بالتنامى السعرى ..
انت بتصرف الف جنيه تعالوا نعمل مقارنه بين إن الزياده ثابته وكل سنه مثلا الاسعار بتزيد بنسبه 30% وبين إن الزياده بتقل يعنى 30% بعدها 20% بعدها 10% بعدها 5% 💢تعالوا نقارن بالأرقام .. أولا .. لو التنامى فى الاسعار ثابت بنسبه 30% ده معناه إن اللى بألف بقى ب1300 الزياده اللى بعدها يبقى 1690 واللى بعدها يبقى ب 2197 وبعدها تبقى 2856 بإختصار اى رقم اضربه فى 30 واقسمه على 100 يطلعلك نسبه الزيادة وطبعا زى ما انت شايف النسبه بتزيد شوف كده
ثانيا .. لو التنامى بيقل يعنى زاد 30% بعدها 20% بعدها 10% بعدها 5% ده معناه انها هتكون كالتالى ركز ( 1000 /1300/ 1560/ 1802 ) شايف فرق الزياده بين أولا و ثانيا
ندخل على زيادة متوسط الدخل .. نتكلم عن الزيادة على طول ونفرض إن نسبة الزيادة 5% بعدها 10% بعدها 20% بعدها 30% ماتنساش اننا افترضنا ان دخلك ألف جنيه وبمعدل الزياده دى يبقى كالتالى الألف يزيد ويبقى 1050 بعدها المبلغ يزيد ويبقى 1155 وبعدها المبلغ يزيد ويبقى 1386 وبعدها 1802 واخد بالك من حاجه…؟!!! مش انه بيزيد وبس…!!!
لو مركز فهتلاقى التنامى السعرى اللى بيقل فوق ده لما وصل ل5% كان الرقم 1802 هو هو نفس الرقم اللى متوسط الدخل زاده لما كانت النسبه 30% افترض كده ثبات النسبه دى هتلاقى ان ال1802 لما النمو السعرى بتاعهم يفضل 5% معنى كده ان الرقم هيبقى 1892
فى الوقت اللى لو نسبه الزياده فى دخلك بقت ثابته 30% ده معناه ان دخلك وقتها بدل 1802 هيبقى 2343 .. يعنى وصلت لمرحله ان دخلك برقم اكبر من الرقم اللى بتصرفه …. وطبعا ده معناه اننا ماشيين كويس اوى…!!!
الخلاصة : إن فيه فرق بين إن الاسعار كل سنه بتزيد 30% وبين انها تزيد 30% وبعدها 20% وبعدها 10% وكل ده بيحصل فى نفس الوقت اللى دخلك فيه بعد ماكان بيزيد 5% بقى بيزيد 30% وقتها مش هتحس اصلا بالغلاء ،،،
ده حصل بعد ما كانت مصر بتفلس فعلا … وقتها الحاجه اللى ب10 تبقى ب50 عادى جدا وانت لو بتقبض 10 تقبل 7 او 5 فاهم التحول ده ولّا لأ…؟!!!
بالمناسبه كل ده بيحصل ولسه فيه فساد ولسه فيه تقصير وإهمال من موظفين عاديين او موظفين بدرجة مسئولين ولسه فيه خونه جوه الجهاز الإدارى ولسه ولسه ولسه…!!! تخيل لو ده مش موجود كانت النتيجه هتكون عامله إزاى…؟!!! فهمت…؟!!! لو لسه مش فاهم إقرأ تانى بالراحه او ماتتكسفش وإسأل فى التعليقات على اللى انت شايف انه محتاج شرح وتوضيح بالنسبالك ،،،
على فكره الانجاز مش محسوب للرئيس وبس لأ وكمان الناس كل واحد صبر واتحمل فهو اكيد مشارك فى الإنجاز .. على فكره انا فى بوست كتبت لحضراتكم عن حلقه بتتعرض على إكسترا نيوز كان (يوسف الحسينى) بيقول فيها كلام مهم جدا وبيشرح حاجات لازم ناس كتير تشرحها سواء فى الإعلام او هنا…!!! وإننا نركز فى المحتوى مش الشخص حتى وقتها قولت : ماتقوليش مابحبوش انا بقولك اسمعه مش اتجوزه…!!! ومع ذلك اتكتب (احبوش) فى التعليقات
طيب لو متفرجتش وإنت مش فاهم اللى اتكتب ده دلوقتى … هاتتكلم معانا عن الوعى إزاى…؟!!! طيب ممكن تقوللى انت شرحت ده قبل كده للناس ولّا لأ…؟!!! او تقوللى كام واحد على الفيسبوك شرحه او حتى فى الإعلام…؟!!! اللى بيهمه نشر الوعى بيهمه المحتوى الهادف بيهمه الفكر بيهمه منهجيه العرض ودعمها بالحقايق ومش كل واحد قال ان سوى ولذيذ وعندى وعى بقى كده فعلا…!!! اقسم بالله كلنا بنتعلم وهانفضل نتعلم لحد مانموت…!!!
بالمناسبة المثال اللى انا عرضته ده .. النسب اللى فيه إفتراضيه يعنى الأرقام كمان إفتراضيه ..