– إلحقوني جوزي الننوس عازم حماتي وبناتها النهاردة على الفطار ومديني مصروف 120 جنيه وبيقولي اتصرفي تفتكروا أجيب إيه…..
– انزلي هاتي فرختين ب80 جنيه، وكيلو رز ب5 جنيه، وكيس لسان عصفور ب3 جنيه، وبطاطس ب3 جنيه، وكيلو ملوخية ب4 جنيه، وكيلو طماطم ب2.5 جنيه، وحزمة جرجير وشبت وبقدونس ب2 جنيه، واثنين علبة زبادي ب2 جنيه، وكيس طحينة ب1 جنيه.
اعملي صنية بطاطس بفرخة واحدة وتبليه كويس علشان ريحة الفراخ، والفرخة التانية اشويها بس إديها سلقة الأول مع تتبيلة حلوة كدا واعملي زر وملوخية وسلطة وسلطة زبادي وشوربة لسان عصفور.. كدا المجموع 104.5 جنيه.
كدا الفطار خلص.. الحلو بقى .. ما إنتي لازم تعملي حلو.. هاتي كيس بسبوسة ب5 جنيه و5 أكياس تانج ب5 جنيه، دا هيعمل 10 أكواب وطعمه حلو بس سقعيه كويس.
فاضل بقى 5.5 شبرقي نفسك بيهم إنتي بقى.
* جاء ذلك المنشور والتعليق بموقع التواصل الاجتماعي فيس بوك، وجاءت معظم التعليقات لصالح صاحبة النظرة الاقتصادية والموفرة والذكية؛ مع انتقادات لصاحبة التساؤل لما تطاولت بيه على زوجها وأسرته.