مااعتقدش في حد ساكن في الزمالك أو بيعدي دايما هناك وميعرفش ديدوس.
المطعم ليه فروع كتير بس بتاع الزمالك هو الأصل مع ان المكان صغير ومفيهوش غير تقريبا ٦ ترابيزات وشكله قديم كدة،
بس كل ما هتروح هتلاقيه مليان علي آخره ودة ببسبب إن أكله دايما طازة ولذيذ وأسعاره حلوة جدا وأطباقه مليانة لدرجة انك بيبقي صعب تخلص أطباق الباستا عندهم من غير ما تهنج في النص.
اقرأ أيضًا: للإسكندرنية السحور من اربياتا والحلو من Nutellopia
الأكلات هناك ايطالية تقليدية جدا، باستا وبيتزا وسلطات ايطالي تفتح نفسك علي الحياة.. وياسلام علي الريحة بقي وانت قاعد كدة مستني أكلك اللي جوة المكان… حكاية! وتقدر برضو لو عايز تشوف الأكل وهو بيتعمل عشان لو بتقلق من موضوع النضافة وكدة.
حلو أوي لو خارج مع صحابك، وبيشغلو دايما مزيكا حلوة أوي بتعلي مزاجك أكتر وأكتر.