المطاريد مش اسم فيلم هابط جديد من انتاج السبكى ولا اسم مسرحية هزلية جديدة من اللى بتدعمها الدولة ومحدش بيشوفها
المطاريد هو الاسم الجديد اللى بيطلق على شباب محدش راضى بية
اسم بيطلق على شباب طموح كل ذنبة انة نفسة يعيش انسان
شباب طموح فى مقتبل العمر يعيش فى احد دول العالم النامى واللى عادتا بتكون دولة عربية غير خليجية نفسة يكون مستقبلة نفسة ميمدش ايدة للى رايح واللى جاى عشان ياكل ابنة ولا مراتة
عشان يمتلك احتمالية انة يعيش مستور ف بلدة علية انة يشتغل شغلانتين ولا ثلاثة ما بين امن وعامل بوفية ومندوب مبيعات وعامل نظافة عشان يحصلة 900 جنية ولا 1200 يقدر يعيش بيهم بما يطرح امامة بدائل جديدة لتتوافق مع ارتفاع الاسعار والايجارات والملابس ومصاريف المدارس والجامعات الى اخرة
هنا يبدا شغل السماسرة اية رايك تروح ايطاليا او اليونان هناخد منك 10 الاف هنا و5 لما تروح هناك هتمضى ع وصلات امانة بيهم والسفر هيكون من خلال مركب
طبعا هيعمل اية الشاب غير انة يستلف من هنا ومن هناك ويبيع اللى وراءة واللى قدامة عشان يسافر ويجازف برحلة غير مامونة العواقب
تاخدة المركب بالليل تهريب من اسكندرية ولا دمياط وبتكون محملة بعشرات الشباب اللى يمكن فى نفس عمرة والاكيد انهم فى نفس ظروفة ان لم تكن اصعب لتلقى بهم فى المياة القارسة البرودة كى تسرع هاربة حتى لا يلحظها خفر السواحل ويطاردها ويقبض على قائد المركب
حين يدخل الشاب المياة يدخل الى 3 احتمالات لا رابع لهم
اما ان يغرق نتيجة جهلة بالسباحة او ان يقبض علية سواء اثناء او بعد دخلوة البلد او ان يفلت من المياة الباردة والفقر المدقع ليجد عملا ومع مرور الايام يظبط وضعة داخل البلد ويصبح فى وضع انسان
الجدير بالذكر ان من يقبل ان يسافر وسط هذة الاجواء لا يهتم كثيرا حتى بفقد حياتة خاصة وهو ميت فعليا ف بلدة ولا تربطة بالحياة سوء فقط ورقة شهادة ميلاد
اما اذا كان هذا الشاب من ابناء الطبقة المتوسطة او العليا فلا سبيل امامة سوء بلدين او كما يقول البعض the new american dream وهيا كندا او استراليا تلك الدول التى تغيرت كثيرا عما سبق فى كل نواحى الحياة وحتى فى شروطها بالنسبة لوافد جديد ع الاقل
كندا ف البداية كانت تقبل جميع الاعمار والحالات الا انها مع التقدم التكنولوجى والاقتصادى بدات فى تصعيب الامور على الشباب الراغب فى الهجرة اليها بعد اكتفائها من المهاجرين بشكل او باخر من جهة وخوفها من الارهابيين الجدد وثورات الربيع العربى من جهة اخرى
وضعت كندا عدة شروط للراغب ف الهجرة اليها غاية ف الصعوبة الى جانب عدة شروط اخرى ابرزها ان يكون متحدث لبق للانجليزية والفرنسية الى جانب ان يتوافر لدية 10 الاف دولار كندى فى حسابة
اينعم حضرتك قرات صح ان يتوافر للمهاجر الجديد مبلغ 10 الاف دولار كندى
اما استراليا فاختصرت نفس الشروط ولكن بشكل اسهل قليلا اذ يجب ان يتوافر لدى الراغب فى الهجرة اليها القدرة على التعامل بطلاقة مع اللغة الانجليزية من خلال امتحان الايلتس الى جانب ان يمضى اقرار ان استراليا غير ملتزمة تجاهة باى خدمات خلال اول عامين لية داخل اراضيها وطبعا مع بعض الشروط والاموال الاخرة
اما بقى اذا كنت سعيد الحظ ولقيت تاشيرة لدولة عربية فربنا يكون فى عونك خاصة وانك هتتعامل معاملة اهل بنجلادش والهند او باختصار معاملة عبيد
يا ايها الحكام العرب قامت الثورات ضدكم وستستمر سواء اطلقتم عليها لقب موامرات او لا اما ان تعدتلوة او ترحلووا