أثير جدل واسع على مواقع التواصل الاجتماعي بعد أن أجازت دار الإفتاء المصرية الإفطار للطلاب عند خضوعهم للامتحانات خلال شهر رمضان
وتضمنت الفتوى أن الطلاب إذا كانوا سيتضررون من الصوم أو يغلب على ظنهم الرسوب أو ضعف المستوى الدراسى ، ففى هذه الحالة يجوز لهم الإفطار بشرط قضاء ما أفطروه بعد رمضان.
حيث انقسم النشطاء حول هذه الدعوة ما بين مؤيد ومعارض، وعلق أحد النشطاء : ” بعيدًا عن الهزار، كلمة متضررين دى كله هيفصلها على مزاجه، كان لازم الفتوى تبقى محددة أكتر من كده .. مريضا أو على سفر”.
وعلق آخر: “ودار الافتاء نسيت قول الله عز وجل (فمن شهد منكم الشهر فليصمه ومن كان مريضًا أو على سفر فعدة من أيام أخر)، ماقلش بقى اللي عنده امتحان أو أى شيء آخر، الله عز وجل حدد امتى يجوز ليك الإفطار.. إما مريض أو مسافر، والصحابة كانوا يصومون فى غزوات الرسول، ودى بقا حروب مش امتحانات.. اتقو ربنا بقى”.
فيما علق آخر: “دا بدل ما يأجلوا الامتحانات لبعد رمضان بيحللوا إنك تفطر في رمضان علشان الصيام؟!.. شعب متدين بطبعه”.
كما سخر نشطاء من هذه الفتوى بالعديد من الكوميكس على صفحات موقع التواصل الاجتماعي “فيسبوك”.
الفريق المؤيد
أيد البعض الآخر هذه الفتوى، معلقين: “على فكره ده حقيقي معاك عذرك، إنت في امتحانات ومذاكرة، يعني لو هتفطر يوم الامتحان عادي، بس أهم حاجة تعوضيه، زي ما في رخص للحامل والمريض”.
وعلّق آخر: “هو خلاص اللي داخلين يتريقوا ويفتوا من عندهم دول مايكونوش هيئة كبار العلماء؟!، آه نسيت ده شعب متدين بطبعه، بيصلى التراويح وصلاة العيد، وبيسيب الفرض اللي أمره بيه ربنا.. ارحمنا يارب”.
كما تداول بعض مستخدمي موقع التواصل “كوميكس” يعبرون بها عن تأييدهم لهذه الفتوى.