جدد الفنان أحمد عز تأكيده على رفض نسب توأم زينة له، قائلا : كلامي مش هيتغير من هنا لحد ما أموت، وأهم حاجة صورتي عند ربنا ولو هبطل تمثيل وأفتح كشك سجاير، وللمرة المليون دول مش ولادى.
وقال عز فى مُداخلة هاتفية مع محمد حسن ، مقدم برنامج نص الليل على قناة CORRECT ، ، إنه يفضل اللون الأبيض في حياته سواء الملابس أو داخل المنزل، وكذلك لون السيارة التي يمتلكها.
وأضاف عز ردًا على ما وصفه بالشائعات حول مسيرته وأعماله الفنية : فى الأول والآخر البنى آدم مهما حاول يلف ويدور ربنا عارف كل واحد عامل إزاى، ربنا بيكرمنى عشان تعاملى مع الناس، أتمنى أبقى من الناس دى اللى من جواها أبيض.
وعن استخدامه حقن البوتكس ، قال : أنا معرفش الرغى ده منين، واتعودت على كده، مفيش أدوار سينمائية تحتاج بوتكس، الناس بتحاول ترغي حواليا، دي سُنة الحياة، الناس عايزة تنشر الشائعات، وأنا مش مهتم وأهم حاجة صورتي عند ربنا.
وعن خلافه مع زينة ، قال عز : كلامى مش هيتغير من هنا لحد ما أموت، ومعنديش قلق من القضية دى، وأضاف ساخرًا : أنا متأكد يعنى، وتابع : ربنا عالم بالحقيقة، صورتى عند ربنا أهم من صورتى عند الناس، حتى لو هبطل تمثيل وهفتح كشك سجاير، أنا مش بهزر فى الحاجات زى دى، الموضوع منتهى.
وواصل تعليقه على خلافه مع زينة بشأن قضية نسب أولاده ، قائلًا : حتى لو حاولتي تعملي إيه تكتبي أو تغلطي أو تأجرى ناس تكتب، فربنا اللي مقدره هو اللي هيحصل، واللي عارفني عن قرب متأكدين إني معملش كده، وعارفين أنا مين ومتربى إزاى، ولكن سُنة الحياة كل ما يبقى فيه نجاح لازم يبقى فيه هجوم.
وأكد أنه يرفض الخوض فى أعراض من تحدثوا عنه بسوء ، مضيفًا : للمرة المليون مش ولادى، مش ههزر مع ربنا مهما حصل، لو هفتح كشك سجاير ومش هتكلم فى أعراض عشان عيب رجولتى تمنعنى أتكلم فى حاجة زى دى.