شن الإعلامى عمرو أديب ، هجومًا حادًا على الإعلامى توفيق عكاشة ، عضو مجلس النواب ، مؤكدًا أنه : محدش اتدلع من الأجهزة السيادية فى مصر زيه .
وأضاف أديب خلال برنامج القاهرة اليوم على فضائية اليوم مساء أمس الإثنين : هو ولا دكتور ولا حاجة وما يعرفش كلمتين إنجليزى ، ويوم لما جت العيال بتوع خيرت الشاطر ياخدوه من مدينة الإنتاج ، راح جهاز سيادى شفطه هو وحياة الدرديرى واتحطوا فى مكان آمن لمدة أسبوعين ، وبالرغم من كل دا سب وزير الداخلية ورئيس الدولة ورئيس المخابرات ، ولكن فى كل مرة يتم التسامح معاه.
وتابع : زهقنا من هبل وعته وكلام توفيق عكاشة، أى عيل فى 6 إبريل برقبته، لما أجهزة الدولة تبقى حلوة معاه يبقى حلو معاها ، ولما تبقى منيلة وما بيسمعوش الكلام وما بيعملوش اللى عاوزه يبقى وحش.
وأضاف اديب : أنتم متخيلين إن أنا أقدر أعمل اللى عمله توفيق عكاشة ؟ أو أتكلم ربع اللى اتكمله عكاشة والبلد كلها بتصدقه ؟ النهارده كل أصدقائه باعوه، والدولة قررت توقيفه برنامجه علشان تقوله كخ يا شاطر ماينفعش تهزر معايا.