انتقدت الإعلامية إيمان عز الدين الطريقة التى تعامل بها نواب فى البرلمان مع وزير التموين خالد حنفى عندما حضر إليهم ليوضح حقيقة
الفساد فى منظومة القمح وليدافع عن نفسه فى التهم الموجهة إليه.
وقالت عز الدين – خلال تقديمها حلقة أمس الاثنين من برنامج 90 دقيقة – عبر فضائية المحور : رغم الأزمة ، النواب نفضوا إيدهم من الشغل واتجمعوا حوالين الوزير عشان يمضوه على أوراق كتير تفتكروا بيخدوا توقيعه على إيه ؟…عروستى.
وتابعت عز الدين : الموضوع مش محتاج فتاكة أو مفهومية .. السادة بياخدوا توقيع وزير التموين عشان اللى عايز فرن عيش أو مخبز ، مستنكرةً ما حدث بقولها : طيب لما الدكتور خالد حنفى يخرج عن المسار مين اللى هيحسبه ، بعد ما مضالك على فتح الفرن ، هتحاسبه إزاى بعد كدة هتقدر تهاجمه أصلا ولا انكسرت العين خلاص ؟.. عيب .
واستكملت عز الدين موجهةً حديثها إلى النواب : مين بيراقب مين ؟! هو مين شغلته سلطة رقابية وتشريعية على الحكومة، خلاص عينك بقت مكسورة مش هتقدر تتكلم يا باشا أرجو أنكم تعيدوا النظر فى تصرفاتكم.