انتقد الإعلامي يوسف الحسيني، مقولة الرئيس عبد الفتاح السيسي، للمواطنين، خلال تدشينه برنامج «رؤية مصر المستقبلية 2030»، الأربعاء، والتى قال فيها «أنتوا بتتكلموا كتير، أنا اللي أعمل عدالة اجتماعية ولا إحنا اللي نعمل عدالة اجتماعية؟ والله العظيم أنا لو أنفع أتباع مستعد أتباع علشان خاطر البلد».
وقال الحسيني، خلال تقديمه برنامج «السادة المحترمون»، عبر فضائية «أون تي في»، «بالنسبة لموضوع أبيع نفسي عشان خاطر مصر.. وحياة أغلى حاجة عندك بلاش الكلام اللي من النوع ده، لو أقدر أبيع وهبيع وبتاع، ولا عاش يا فندم اللي يقول لحضرتك تبيع نفسك ولا تتباع ولا غيره، ولا أقل مصري يتباع يا فندم».
أضاف: «الكلام ده بيتاخد بمنحى مش حلو، يا فندم موقع (E BAY) بتاع المزادات خد كلامك بطريقة مهينة مهينة مهينة، بس خلاص بقى كدة، الموقع عمل على كلامك فضيحة، وأنا بأكد أنه لا عاش ولا كان من يقول ذلك على رئيس مصر، ولا على أي مواطن، إحنا فاهمين إن نيتك خالصة لوجه الله، بس والنبي الجمل ممكن تتقال بأشكال أحسن من كدة».
وكان موقع «E BAY»، الخاص بالترويج للمنتجات التي يُراد بيعها، عرض الرئيس عبد الفتاح السيسي، للبيع، وذلك لتسديد ديون مصر وتحقيق التنمية الشاملة لعامي 2030 و2063، حسب الوصف الموجود بالموقع، وذلك عقب تصريحات الرئيس، الأربعاء.