اشتبكت الراقصة سما المصرى المرشحة لمجلس النواب، مع المحامية أشجان البخارى لفظيًا بعد انتقاد الأخيرة لفن المصرى .
وقالت المصرى أثناء استضافتها ببرنامج العاشرة مساءً فى الساعات الأولى من صباح الأربعاء : الفن اللى حضرتك مش عاجبك ده دخل بيوت وعجب الناس وعمل شعبية بين الناس أنا واحدة بتكلم بلسان الشارع الشارع بيقول الكلام اللى أنا بقوله بالضبط بدليل إن هو انتشر والناس حبته لو الفن بتاعى زى ما بتقولى مبتذل مكنش الناس حبته .
وردت البخارى : ما في أغاني كتير في الميكروباصات والشوارع والناس بتقولها بس بتمشي مبتعملش تاريخ.. الجمهور بتاعك مش هينتخبك.. أنتِ واخداها شو إعلامي عشان اتركنتي على جنب بعد رئيس الزمالك لما قفلك القناة بتاعتك .
وأضافت المصرى : أولًا أنا مش محتاجة يا أستاذة أشجان ، أنا أول مرة اسمع عن حضرتك يمكن أنتِ سمعتى عنى كتير ، لتقاطعها البخارى قائلة : سمعت عنك إيه يعنى ، بتلبسى بدلة رقص وبترقصي وصورك العريانة على البتاع “
وردت المصرى : عريانة لأ .. مسمحلكيش .
وتجدد الاشتباك اللفظي بين المصرى والمحامية فى الحلقة حين قالت البخارى للراقصة أنتِ مين أنتِ ؟ ، لترد سما المصرى : ملكيش فيه .. لما تعرفى تعملي زى الرقاصة ابقى كلمينى ، لتعقب البخارى : لولا وجود الأستاذ وائل كنت رديت عليك .
لتضيف سما المصرى : مش هرد عليكى عشان أنت قد والدتى .