واصل الإعلامي أحمد شوبير، هجومه النارى على التوأم حسام وإبراهيم حسن ، قائلًا «لما بتكلم في برنامجي بفجر قضايا، معنديش مشاكل شخصية مع حد خالص إطلاقًا، لكن لما حد عبيط يتكلم أهبل يهبل، مجنون يتجنن، كل ده ما يفرقش معايا خالص خالص».
وتابع شوبير، خلال حلقة السبت، من برنامج مع شوبير الذى يقدمه على قناة صدى البلد، «أنا بتكلم في قضايا هامة جدًا، لما بتكلم عن نادي له تاريخه وجماهيره ورؤسائه، يبقى بتكلم عن كيان عظيم له احترامه، مفيش نادي ملك حد، فيه حاجة اسمها نادي وفيه حاجة إسمها مدرب، أو مدير كورة بتعين عشان يسترزق مفيش مشكلة، وعمرنا ما هندخل في صراعات شخصية، خاصة إذا كانت الناس دى مشهورة إن عندها اختلال»، فى إشارة إلى التوأم.