هاجمت الفنانة شيرين عبد الوهاب، الملحن والمطرب عمرو مصطفى ، بعد أن انتقد تصرفاتها فى برنامج المواهب «The Voice».
وقالت شيرين خلال لقائها مع الإعلامية وفاء الكيلانى ببرنامج المتاهة : عمرو مصطفى اما بيجيلى البيت علشان لحن ، وبيجيب الجيتار معاه بيطبل عليه ويقولى حطيلى أى مزيكا تكنو علشان أقولك على اللحن ويقوله روح يا حبيبى اتعلم مزيكا الاول و بعدين ابقى تعالى كلمنى .
وتابعت: عمرو تلت أرباع كلامه مش موزون، وأكتر واحد ودانا في 60 داهية بكلامه ومكنش له علاقة بالثورات العربية، هو معندوش عقل، وأنا مش هعتب عليه، أنا بكرهه عمى حتى لو كان هو بيحبنى لكن هو كلامه وحش وصوته وحش جدًا.