اشتكى أحد مواطني محافظة الإسماعيلية، للإعلامية ريهام سعيد، مقدمة برنامج «صبايا الخير»، استغلال «بنت عمه» له، بعدما «تزوجته كمحلل».
ردت عليه ريهام سعيد، قائلة: «دي ذنبها كبير جدا، ولو أنت كنت اتجوزتها كنتوا هتخلفوا عيال مش كويسين، لأنها بنت عمك على طول».
وقال «ياسر» من الإسماعيلية، في مداخلة هاتفية لبرنامج «صبايا الخير»، مساء الأربعاء: «اتجوزت بنت عمي، وعاملتها أحسن معاملة، وطلبت مني الطلاق رغم معاملتي الكويسة».
فردت عليه ريهام سعيد: «ليه جواز الأقارب ده، وعلشان خاطري متخلفش منها لإنكم هتجيبوا عيال مش كويسة».
وأضاف المواطن في اتصاله: «بعد شهرين، سابت البيت ومشيت، لأنها كانت متجوزاني كمحلل»، فردت ريهام سعيد: «يا نهار أسود، وبنت عمك على طول».
وقالت ريهام سعيد: «هتاخذ ذنب كبير جدا، وربنا مش هيعاقبك أنت، أنت اتجوزتها ودخلت عليها، مش هتاخد ذنب بقى؟، لإنك مكنتش تعرف إنها متجوزاك كمحلل».