قال مرتضى منصور ، رئيس نادي الزمالك، إن “25 يناير مؤامرة واللى مش عاجبه ياخد بالجزمة “، بحسب وصفه.
وأضاف في برنامج الكورة مع الحياة، على قناة الحياة 2، إن أحمد مرتضى كان عنده حرب عالمية مع نفايات 25 يناير و6 أبريل وكل الخونة اللي نزلوا وأى حد متخانق مع ممدوح عباس، وأستاذ أحمد مرتضى مع احترامى للأخ المحترم عمرو الشوبكى، هو شاب محترم وبعدين إحنا بنقعد نجعر ونقول عايزين الشباب ولما ينزل الشباب نلاقى الحرب القذرة دى.
وتابع: تخيل فيه ولدين ولد اسمه رشدي وولد اسمه فتحى، نازلين شتيمة فى أحمد من 3 أيام، ونازلين شتيمة فى أنا كمان، بس ورحمة أمى يا رشدى إنت وفتحى لأخليكوا تنسوا إنتوا مين، علشان إحنا كنا مؤدبين ومحترمين، أنا مش فاهم.
واستطرد منصور: أيوة 25 يناير مؤامرة واللي مش عاجبه ياخد بالجزمة، وعايز أقولك حاجة هو حرق الأقسام والسجون دى ثورة، 25 يناير اللى جابت محمد مرسي، و30 يونيو المحترمة اللى جابت السيسى، وأحمد مرتضى كان بيمثل 30 يونيو وعمرو الشوبكي كان بيمثل 25 يناير ودى هزيمة قاسية لـ 25 يناير، وأيوة مرتضى منصور لسانه طويل، وهكسب إنشاء الله فى دايرتى ميت غمر المحترمة بالدقهلية.