طالب الإعلامي أحمد موسى أمس الأربعاء، الفقيه القانوني المستشار طارق البشري، بأن يُقسم على أن ما قاله عن تأييده للحكم
الصادر حول مصرية جزيرتي تيران وصنافير، نابع من معرفته بالقانون وليس له صبغة سياسية.
أضاف موسى، خلال تقديمه برنامجه «على مسئوليتي»، عبر فضائية «صدى البلد»، «البلاغات اللي البعض بيقدمها ضدنا دلوقتي عشان قولنا إن الجزيرتين سعوديتان ولا هتهزّ فينا شعرة واحدة، كل الكلام اللي قولنا بوثائق رسمية، لم نقل كلمة غير حقيقية».
تابع: «بلاغات بتتقدم ضدي وضد مصطفى بكري من وقت الحكم ما طلع.. هو إحنا تاعبينكم للدرجادي؟ هو بس إحنا الاتنين اللي موقفين حال البلد يعني؟ للدرجادي كتمين على نفسكم؟ للدرجادي إحنا مضايقين الإخوان والطابور الخامس؟ ده يبقى أنا وبكري لنا تأثير رهيب بقى، يبقى كده يعني نستحق كأس كؤوس العالم».
استكمل: «الفارق بينا وبين الآخرين إن ليس لنا مصلحة إلا البلد، وهنفضل ورا البلد مدى حياتنا، لكن الآخرين لهم مصالح ومآرب أخرى، كنتوا فين كلكم لما الجاسوس مرسي كان بيبيع الأرض؟ ما شوفتش وقتها حد فيكم عمل بلاغ واحد».