علق الفنان تامر حسني عبر صفحته الرسمية على موقع التواصل الاجتماعي “فيس بوك”، على الصورة التي انتشرت له وللفنانة أصالة نصري وهو صغير خلال الساعات الأخيرة على الفيسبوك، والتي ظهر فيها، بـ”لوك” غريب، أثار به سخرية النشطاء، خاصة الملابس التي كان يرتديها، إلى جانب طريقة تسريح شعره، وجسده النحيف.
وعلق تامر حسني قائلاً:
“لمن يهمه الأمر.. من يومين نزلت صوره ليا وأنا صغير وشغلت ناس كتير، وفضلوا يتريقوا على الصورة.. في الحقيقة إني في الوقت ده فعلاً كنت بحاول أقلد المشاهير في صورهم وأفلامهم وحراكاتهم، وبغض النظر عن إن في الوقت ده كانت الموضات شبه كده، وأنا بقول شبه كده لأني كنت ولد صغير معندوش فلوس نهائي يشتري لنفسه حاجة غالية ولا عنده أب يشتريله حاجة أصلاً”.
وأضاف الفنان تامر حسني “اللي عايز أقوله إني من يوم الصورة دي وأنا حالف إني اتصورها بجد وأنا مشهور، الصورة دي بتثبت لأي شاب إيجابي إن مفيش مستحيل، واللي عايز يتريق على الولد اللي في الصورة هقوله يا رب تنجح زيه، أنا فخور بالصورة دي والنهارده بقول للولد الصغير ده إنت راجل عشان حلمت بحلم وحققته، وبدأت من تحت الصفر ووصلت لحلمك بمجهودك وعرقك، وكمان اشتغلت شغلانات كتير فيها شقى وتعب عشان تصرف على أهلك من وأنت في السن ده، شكراً يا ولد يا صغير على إصرارك عمل مني راجل وإنسان فنان اسمه تامرحسني”.