فاجأتنا الشيف مها من مطبخ أكلة هنية بطريقة مبتكرة لتنظيف الطيور حتى تحصلين على أفضل نتيجة.
أولًا.. هاتشطفيها بمياه بفقط بعد ما تجبيها من عند الفرارجى طيب ليه مياه بس؟؟؟
عشان ننزل منها أي دم أو ريش أو أي حاجة من عملية الدبح.
ثانى خطوة .. هاتصفيها من المياه خالص وتحطيها فى أي بولة تكون ناشفة، وتحطى عليها ملح وليمون وخل و(دقيق ذرة) لازم دقيق ذرة وهاقولك ليه دقيق ذرة.
عشان لما نيجى للخطوة الثالثة بقى وتدعكى الفراخ أو أي طيور كويس قوووى بالخلطة دى وتيجى تشطفيها من المياه- دقيق الذرة لا هايلزق فى الطيور ولا فى إيدك ولا فى الحوض.
بعد ما تشطفيها هاتملى بولة وتحطى فيها قشر الليمون اللى انتى عصرتيه على الفراخ فى الخطوة التانية فى المياه وشوية خل وتسبيه لحد ما المياه اللى إنتى هاتسلقى فيها الفراخ أو أى طيور تغلى.
وتحطى فى المياه اللى هاتسلقى فيه الطيور حبهان بعد ما تفتحيه، وورق لورا، وفلفل أسود.