استنكرت الفنانة جيهان فاضل الهجوم عليها بسبب أحمد مالك والأزمة التى أثارها الفيديو المسىء الذى اشترك فيه مع شادى حسين مراسل برنامج أبلة فاهيتا.
وقالت فاضل عبر حسابها على موقع “فيس بوك”، ” أنا من امبارح بتشتم عشان معرفتش أربي ابني اللي هو أحمد مالك، وتقريبًا عشان طلعت مامته في مسلسل الشوارع الخلفية”.
ودافعت الممثلة التى شاركت في معظم أحداث الثورة وفعالياتها، عن مالك قائلة ” بغض النظر عن رأيى فى اللى عمله مالك .. مالك من أجدع وأجمل وأنضف الشباب اللي عرفتهم، ورغم إن كان عمره 15 سنة وقت الثورة لكن أرجل من ميت واحد من اللى بيشتموا فيه وليّ الفخر إن يتقال إنه ابنى”.