الكمية تكفي:4 أشخاص
وقت التحضير:15 دقيقة
وقت الطهي:30 دقيقة
المقادير:
1/2 كيلوجلاش
مقدارشوكلاتة التورته
4ملعقةلبن
مقدارزبده او سمنه
مقدارمكسرات عدد 1 حبةحبهان
مقدارفاكهه مقدارشربات
التحضير:
نحط الشربات ع النار عقبال ما نجهز الجلاش و كده
كوبايه و نص سكر على كوباية مايه و نسيبهم ع النار ع الهادى
نبدأ بقى نحط فى الخلاط المكسرات بتاعتها و الحبهان و 4 معالق سكر و 4 معالق زبده
و حطى بقى حبه صغيرين لبن عشان يتقلب فيهم الخليط ده كله فى الخلاط الطبخ: إدهنى الُرخامه زبده عشان الجلاش رقيق جدا لو الرخامه مش مدهونه و مرنه حيتقطع منك
تكونى فى نفس الوقت بتسيحى زبده على النار من فتره علشان ندهن بيها الجلاش
ادهنى الصينيه اللى حتحطى فيها الجلاش زبده برضه
تبدأى تحطى 4 5 طبقات جلاش و تدهنى زبده و تلفى و تقطعى و تحطى على جمب و بعدين 4 5 طبقات تانيين و تدهنيهم برضه و هكذا
و بعد ما لفيتى الجلاش على كده و تقطعيه زى ما تحبى و تحطيه فى الصينيه و تدهنيه برضه تانى من فوق بالزبده عشان يحمر لما يدخل الفرن و تدخليه الفرن بقى على مهله
فى الوقت ده يكون طبعا زمان الشربات اللى حاطينه ع النار خلص ( بتعرفى انه خلص لما تلاقيه مش سائل لكن تلاقيه متماسك معاكى شويه مش مايه كإنه طالع من الحنفيه )
نبدأ بقى فى الوقت ده نسيح الشوكلاته ع النار ( بس على نار هاديه علشان طعمها ميلسعش منك وتتحرق )بس عايزه اقول حاجه موضوع تسييح الشوكلاته ده ميتمش غير بعد مده من إدخال الجلاش الفرن عشان لو سبتيها كده كتير بتتجمد تانى و تضطرى تسيحيها تانى فالمفروض تكون دى اخر خطوه خالص و ممكن حتى بعد ما يطلع الجلاش مش مشكله لانها بتسيح بسرعه
تحطى الشوكلاته و عليها 2 او 3 معلقه لبن
حتلاقيها بدأت تسيح اهى و قلبيها بقى
يبقى انا كده جاهز عندى المكسرات و الشوكلاته
اوعى تنسى تحطى كل قطعه جلاش فى الشربات شويه علشان ميبقاش ناشف او بعد ما تحطي الجلاش فى الطبق ترشى شربات عليه كله و تسيبيه يتشرب