تداول النشطاء على موقع التواصل الاجتماعى “فيس بوك” منشورًا يحكى حكاية “قطة محطة محمد نجيب”، وجاء المنشور كالتالى:
“قطة محطة محمد نجيب .. تقريبا كل سكان عابدين وباب الخلق عارفين حكايتها، دى قطة اتبنت عليها الحيطة من أكتر 5 سنين من ساعة تجديد المحطة، ومن ساعتها وهيا محبوسة جوا الحيطة ويادوبك بتتنفس من الفتحة اللى منزله منها ديلها دى والناس والعمال كل يوم بيحطولها أكل وماية من الفتحة دى.
هتقولولى طب محدش خرجها المدة دى كلها ليه هقولكو عشان أمن المحطة رافض إنه يكسر سنتى واحد م الحيطة، وأى حد هيحاول يخرجها هيتسجن بتهمة تخريب ممتلكات عامة.
دة مش تصويرى ع فكرة أنا دايما كنت بسمع صوتها وبشوف العمال وهما بيحطولها أكل بس ..اللى يشوف البوست يعملو شير يا جماعة عشان واضح إن الإعلام والحكومة مابتتحركش إلا أما تشوف ضجة ع الفيس يمكن يطلع ف قلبهم رحمة ويخرجوها”.