أولا خلينا في المميزات طبعا لأنها أكتر بكتير
1- هتوفرلك دروس خصوصية لأنها اتعودت توصل معلومة وتشرح.
2- هتساعدك في رسم خطة ومنهج حياتك وكله طبقا للقانون.
3- بترص الأطباق القصير قدام والطويل ورا وغير مسموح بالهرجلة.
4- مش حتلاقي عندها كوبايات مختلفة الشكل تتقيد بالرسمة المحددة.
5- مش هتسمحلك تنزل من غير حذاء أسود ومتلمع وشراب أبيض.
6- لما تضايق منك أو من أي حد من أهلك؛ هتمسك نفسها متعوده على ضبط النفس.
8- مفيش حاجة عندها اسمها تطبخ أي حاجة.. في جدول ماشي على البيت كله.
9- خلي بالك متغلطش معاها كتير هي بتسامح كتير بس لو أعمال السنة ضاعت منك ممكن ترفدك.
10- لما تتمشى معاها أفرد ضهرك وبص قدامك والولاد يمشوا منظمين دي رحلة مش هرجلة.
العيوب بقى ودي نادرة:
1- صوتها عالي وهي نفسها مش عارفة تعمل إيه الزمارة ظبطت على كده.
2- كل أدوات المطبخ الخشب ابعد عنها ده لمصلحتك والله.
وربنا يصبر الأمهات المدرسات شايفين البدع جوه البيت وبره البيت
حتى الموجه موجود بره البيت وجوه البيت!!!
جاء هذا المنشور الكوميدي على موقع التواصل الاجتماعى (فيس بوك).