كتبت : نورهان طمان
بث مباشر للكرة الأرضية بعد سقوط النيزك ومن القاهرة ماذا يحدث للإعلاميين
يجلس كائن “العكش” وسط قطيع من البط داخل الاستديو ويأتيه على الهواء خبر سقوط النيزك وقبل انقطاع الإرسال عنه يصرخ قائلا : النيزك ده بعتاه أمريكا بمساعدة عملائها الماسونيين والطابور الخامس في الداخل
هزات أرضية متعاقبة ومخيفة وكل إعلامي على الهواء يواجه أزمة انقطاع الإرسال
وقبل انقطاع الإرسال تظهر الزميلة لميس الحديدي : لاااا الناس معملتش ثورة علشان النيزك يجي ياخد البلد
أحمد موسى قبل: النيزك جالنا مصر !! شوفتوا بركة وجود السيسي .. هيييييييييييييييييح
خيري رمضان ممسكا بالبطاطين : ولاهيهمنا نايزك ولاغيره اتبعت لنا بطاطين بتدفي حاجه ألسكا خالص
عماد الدين أديب ثابتا : النيزك صحيح هينزل على مصر لكنه هينزل عليها بهدووووووووووء
عمرو أديب : النيزك نزل على مصر ينعل تيييييييييييييييييت أبوكو كلكم
إبراهيم عيسى : النيزك جالنا مصر ؟!! مفيش ” موشكل” علشان يعجب نشطاء الفيس بوك والعملاء والخونه والمأجورين
باسم يوسف : أحيه أحيه النيزك جيه
محمود سعد يضغط على “الإير بيس” : بتقولوا إيه ؟؟ عندنا نايزك ؟!!! امممم .. ماشي الحال اشرب العصير
يسري فودة : على موعد من حالة الهرج والمرج التي ستجتاح البلاد عقب سقوط النيزك وحكومة غائبة وشعب بلا مأوى كل هذا وأكثر يحدث في مصر .. طيب الله أوقاتكم
الجزيرة : استمرار المظاهرات المطالبة بسقوط الانقلاب العسكري رغم سقوط النيزك وقوات الانقلاب تفقد السيطرة عليه
رصد : غضب ربنا على قوات الانقلاب وراء سقوط النيزك
التليفزيون المصري : هدوء تام في محيط ميدان التحرير بعد سقوط النيزك وبعد الفاصل فيلم الزوجة الثانية
وجدي غنيم : النيزك ده جالكم في البلد دي بسبب نجاستكم يا أنجاس
محمد حسين يعقوب : النيزك ده آية من آيات الله واللي مش عاجبه يروح كندا
مظهر شاهين : اللي متجوز واحدة فضائية يطلقها
خالد الغندور : مصر بتتحرق هييييييييييه
تامر أمين : النيزك نزل !! أححححح مدك يارب