خاص (الموقع )
نظم عدد من أهالي شهداء الإسكندرية وقفة احتجاجية صباح اليوم، السبت، امام مجمع محاكم المنشية بوسط الإسكندرية، حاملين صور اولادهم الذين استشهدوا خلال أحداث جمعة الغضب (28 يناير) للتأكيد على استمرار مطلبهم بالقصاص من قتلة أولادهم.
ورفعت كل أم صورة ابنها، مطالبة القضاء بالقصاص من قتلة أولادهم، متهمين الشرطة بقتل أكثر من 83 شخص خلال حداث جمعة الغضب بأماكن مختلفة بالإسكندرية.
وعبرت الأمهات عن حسرتهن بعد صدور الحكم اليوم ببراءة 6 من قيادات الداخلية المتهمين بقتل أولالدهم، حيث وجهت هبة حنفي أخت الشهيد محمد حنفي رسالتها للقاضي: “اعتبر اللي مات ابنك.. لو ابنك اخد 6 طلقات فى الشارع كنت حتسكت على حقه؟ احنا مش طمعانين في أي حاجة تانية غير القصاص احنا مش عايزين حاجة اكتر من كدة.. حسبي الله ونعم الوكيل”.
وقالت والدة الشهيد بلال بعد صدور الحكم: “حسبي الله ونعم الوكيل في القضاء الفاشل الباطل.. احنا طلبنا من الأول انها تكون محاكمة ثورية عشان القتلة ياخدوا جزاءهم .. لو ماجاش النهاردة بعد 3 سنين يجيلى يوم القيامة”.
بينما صرخت والدة الشهيد (محمد رمضان) : “حسبي الله ونعم الوكيل في الظباط اللي قتلوا عيالنا.. بيعملوا فينا كدة ليه؟ حسبي الله ونعم الوكيل في اللي ناهبين البلد وسرقوها وقتلوا ولادنا.. حسبي الله ونعم الوكيل في كل ظابط ظالم”.
وقامت أخت الشهيد محمد حنفي باللطم والصراخ، قائلة: ” 3 سنين مستنيين في المحاكم وفي الآخر براءة.. أقول ايه ولا أعمل ايه.. حق أخويا يا ناس.. حق أخويا بعد ما اخد 6 رصاصات .. حسبي الله ونعم الوكيل”.
كانت محكمة جنايات الإسكندرية برئاسة المستشار إسماعيل عطية محمد، قد قضت اليوم ببراءة 6 من رجال وقيادات الشرطة في قتل متظاهري ثورة 25 يناير بالإسكندرية خلال احداث جمعة الغضب، وهم اللواء محمد إبراهيم، مدير أمن الإسكندرية الأسبق، واللواء عادل اللقانى، رئيس قطاع الأمن المركزى بالإسكندرية الأسبق، والمقدم وائل الكومى، وعدد من الضباط والمخبرين السريين، لاتهامهم بقتل 83 متظاهرا، وإصابة المئات فى أحداث جمعة الغضب ( 28 يناير 2011).