يوم تخلى مبارك عن حكم مصر بعد 30 عام من الحُكم هم الاسود فى تاريخ المحروسه يوم بالنسبالى كان خيالى يمكن دا اكتر يوم فى حياتى فرحت فيه بجد وحبيت البلد ويمكن الدنيا بشكل عام لم تمر عليا فرحه مثل هذه غير يوم عزل مرسي حتى اكون صادقاً ،يمكن عشان كابوس ان يتكرر ماحدث لنا من مبارك قد يتكرر فكانت الفرحه اكبر بعزل مرسي .
نرجع لـ 11 فبراير 2011 اليوم بالنسبه ليا بدء عادى جداً شاركت فى المظاهرات كالعاده، كان اليوم دا فيه زخم على المشاركه بشكل مختلف كانت الناس وصلت لمرحله “يا هو يا إحنا” بسبب طول مدة صموده امام الاعداد الرهيبه فى كل المحافظات.
بالنسبالي حتى تاريخ هذا اليوم الذى تنحى فيه مبارك لم اكن اتخيل ان واحد بجباروت مبارك دا وبرجاله الفاسدين المنتشرين فى كل مكان فى مصر قد يتنحى ولكن اصرارنا على استكمال مظاهراتنا ثم ارغامه كانت لحظه فارقه لى شخصياً نظرت لمصر بتفائل بشكل جديد ، وسبحان ماتبخر حلم رؤية مصر فى ابهى صورها كما تخيلتُها فتلاها حكم من هم رجال مبارك ومن هم مستنسخون من مبارك والآن فى انتظار من يحقق احلامنا فى مصر التى نعرفها