نشبت مشادة كلامية حادة بين الإعلامى عمرو أديب ، والكاتب الصحفى خالد صلاح رئيس تحرير اليوم السابع على الهواء، بعد كتابة الأخير مقالاً ينتقد التقصير الأمنى فى حادث تفجير فندق العريش، ووضع موقعه الإخبارى صورة له على مقاله وهو يضحك.
هاجم الإعلامي عمرو أديب، الثلاثاء، قائلًا : اللى ميشوفش يبقى أعمى القلب مش العنين، إنت مبتشوفش يا خالد؟ حرام عليك يا راجل، يا أخي نخلي عندنا دم، نحس بقى يا أخى، البلد مش مستحملة خالص، يا أخي عيب والله، مش عارف إنت بتعرف تقرأ ولا لأ.
وأضاف أديب ، خلال برنامج القاهرة اليوم، على قناة اليوم، مساء الثلاثاء : يا أخى عيب كده يا خالد، لازم يكون في حدود عن كده، الإرهاب مستنى ده، عيب يا حبيبي، متكبروا بقى يا جماعة، البلد مش مستحملة، هو في أكتر من كده، نعمل إيه يا أخي، حتى الموقع بتاعك معندهمش مسئوولية وحطين لك صورة وإنت بتضحك، فين المهنية، بلاش حتى يا أخى فى يومها تهاجم .
وعلّق عليه الكاتب الصحفى : إنت مش واخد البرنامج لحسابك وأنا من حقى أرد ومتزايدش عليا في الوطنية وإحنا لازم نواجه أخطاءنا، ولو كل واحد فينا مسك للتانى مش هنخلص، وفرنسا تم انتقاد فيها الأمن بعد واقعة هجمات باريس.
واستطرد صلاح فى الرد على أديب : أنا من حقى أرد قانونيًا ومهنياً، وأنت واخد الهواء بمزاجك، والمفروض الاحتياطات الأمنية تكون أقوى من كده والطرح كده ميضيقش أى واحد وطنى، ولو مش عاجبك طرحى براحتك وده مش ضد الأمن .
وانفعل أديب قائلًا : أنت بتفهم حاجة فى المهنية يا أخى ، ليرد عليه صلاح : لا كده مش هقبل كلامك وهفهمك غلط، ومفروض التدابير الامنية كانت تبقى أكتر من كده على الفندق اللى حدث فيه التفجير.
واستمر عمرو أديب منفعلاً قائلاً: إنت حاطط صورة ليك فى الموقع بتاعك وأنت بالضب تضحك يبقى اتكلم عن المهنية، مش عارف أنت إزاى رئيس تحرير موقع كبير.
وردّ خالد صلاح : ده تجاوز وخروج على الأدب وقلة أدب وغير مقبول ، ليعقب عليه أديب : قلة أدب تقبلها ولا متقبلهاش بلا قرف بقا تعبنا منكم البلد مش ناقصة ومتخلناش نتكلم عن علاقتك بخيرت الشاطر بقا ..